Спорт • 26 Маусым, 2019

Солтүстік Қазақстанда спорт колледжі ашылады

147 реткөрсетілді

Азия чемпионатының жеңімпаздары мен жүлдегерлерін марапаттау рәсімінде аймақ басшысы Құмар Ақсақалов осылай мәлімдеді.

Құмар Іргебайұлы халықаралық байрақты бәсекелерде  ел намысын абыроймен қорғап жүрген спортшылар мен олардың бапкерлеріне ерекше құрмет көрсетіп,  грамоталар, алғыс хаттар мен  жарты миллион теңге  көлемінде ақшалай сыйақылар табыс етті. 

Қытайдың Сиань қаласында өткен Азия чемпионатында еркін күрес шебері  Нұрқожа Қайпанов алтын жүлдені жеңіп алды. 70 келі салмақта күресетін балуан ақтық сында жапондық Коджира Шигумен кездесіп, 9:0 есебімен жеңіске жетті. 20 жастағы спортшы ел күресі тарихындағы ең жас чемпион атанды.

Солтүстікқазақстандық велоспортшылар үздік екендіктерін тағы бір дәлелдеді. Жандос Бижігітов пен Артем Захаров топтық жарыста биік тұғырдан көрінді.  Олар Ташкент қаласында өткен додада алдарына жан салмады. Наталья Сайфутдинова мен Махаббат Үмітжанова күміс жүлде алды. Алина Саркулова топтық веложарыста «қолаға» ие болды. Жеңіл атлеттер Маргарита Мұқашева мен Михаил Литвин жүгіруден қола жүлде алып, әлем чемпионатының нормативін орындады. 

«Өңір спортшылары  жыл сайын жеңістерін еселеп, жақсы көрсеткішке қол жеткізіп келеді. Демек, спорттық нысандардың материалдық-техникалық базасын жақсарту өз нәтижесін беріп жатыр деген сөз. Біз болашақта да талантты спортшылардың  кәсіби тұрғыдан өсуіне  барлық жағдайды жасаймыз. Күзде дарынды балаларға арналған спорт колледжі ашылады. Бұл қадам өңірдегі спортты дамытуға үлкен серпіліс береді»,  деді Құмар Ақсақалов.

Баннер
Соңғы жаңалықтар

Кей өңірлерде ауа-райы өзгереді

Аймақтар • 12 Қазан, 2019

Ең қысқа әңгіме. Ислам Қабылұлы

Руханият • 12 Қазан, 2019

Сенаторлар сенбілікке шықты

Қазақстан • 12 Қазан, 2019

Оралда «LATYN FEST» жастар форумы өтті

Аймақтар • 11 Қазан, 2019

Ұқсас жаңалықтар