Әлем • 05 Шілде, 2019

Өзара сенім серіктестікке серпін қосады

155 рет көрсетілді

Қазақстан Сыртқы істер министрі Бейбіт Атамқұловтың АҚШ Мем­лекеттік хатшысы Майк Помпеоның жеке шақыруымен Ва­шинг­тонда ресми сапары өтті. Сапар аясында АҚШ президентінің Ұлттық қауіпсіздік жөніндегі кеңесшісі Джон Болтонмен және Мемлекеттік хатшы Майкл Помпеомен келіссөздер жүргізді.

Кездесу барысында тараптар екіжақты күн тәртібінің негіз­гі мәселелерін және Елбасы Нұр­сұл­тан Назарбаев пен АҚШ пре­зи­денті Дональд Трамптың 2018 жылғы қаңтарда қол жеткізген уағдаластықтарын жүзеге асыру мәселелерін талқылады.

АҚШ өкілдері Қазақстандағы кезектен тыс президенттік сайлау­дың қорытындысын қолдап, Қа­зақ­­стан-Америка қарым-қаты­на­сы­н­ың барлық спектрі бойынша ын­ты­мақтастықты одан әрі да­мы­туға дайын екендіктерін білдірді.

АҚШ Мемлекеттік департа­ментінде Б.Атамқұлов Елбасы Н.Назарбаев пен Қазақстан Пре­зиденті Қ.Тоқаевтың АҚШ-тың алдағы 243-ші тәуелсіздік күніне орай Ақ үйдің басшысы Д.Трампқа жолдаған құттықтау хаттарын табыс етті.

Келіссөздер кезінде белгілі бол­ғандай, америкалық тарап Пре­зидент Қ.Тоқаевтың әлеу­мет­тік-экономикалық және сая­си қайта құру бағдарламасына қол­дау көрсетіп, белгіленген реформаларды жүзеге асыруға қажетті көмек көрсетуге дайын.

Тараптар жаһандық эконо­ми­кадағы қиындықтарға қара­мастан, Қазақстан мен АҚШ арасындағы сауда-инвестициялық өзара іс-қимылдың жоғары дең­гейін атап өтті. 2018 жылы эко­но­­­ми­калық ын­ты­мақтастықтың не­гіз­гі көр­сет­кіш­тері айтарлықтай өсім­­ді көр­сетті, сауда айналымы үш есе өскен, ал америкалық ин­вес­­­т­и­­­ция­­лардың ағыны екі есе ұлғайды.

Ақ үйде кездесу кезінде Дж.Болтон АҚШ-тың Қазақс­тан­мен кеңейтілген стратегиялық серіктестіктің маңыздылығына тоқталды. Бұл орайда Дж.Болтон мен М.Помпео стратегиялық әріптестіктің осы бағытын одан әрі арттыруға бейілділігін растады. Америкалық тарап «Жусан» қазақстандық операциясын жүзеге асырудың табыстылы­ғын жоғары бағалады. Мемлекет­тік хатшы М.Помпео еліміздің іс-қимылдарын халықаралық терроризмге қарсы күрестегі нақты үлесі және әлемнің басқа мемлекеттері үшін үлгі деп атады.

АҚШ Қазақстанның жетекші инвестициялық серіктестерінің бірі. АҚШ бизнесі 27 жыл ішінде Қазақстан экономикасына 47 миллиард АҚШ долларын құйды. 2018 жылдың қорытындысы бойынша елдер арасындағы тауар айналымы 2,3 млрд АҚШ долларын құрады. Шетелдік капитал салымдарының жалпы қоржынында тікелей амери­ка­лық инвестициялардың үлесі 2018 жылы 22%-ға жетті (5,3 млрд АҚШ доллары). Қазақстан Ұлт­тық экономика министрлігі Ста­­тис­тика комитетінің мәлі­мет­теріне сәйкес елімізде амери­ка­лық компаниялардың 160-қа жуық өкілдігі және Қазақстан-АҚШ бірлескен 350-ден астам кәсіп­орын жұмыс істейді. Америкалық инвесторлар тау-кен өнеркәсібі, машина құрастыру, өндіруші өнеркәсіп және т.б. салаларда бірқатар жобаларды іске асырды.

Қазіргі уақытта Қазақстан Сырт­қы істер министрлігі Ин­вес­тиция комитеті «Kazakh Invest» Ұлттық компаниясымен бірлесіп, Қазақстан үшін маңыз­ды аграрлық өңдеу, фармацевти­ка өнеркәсібі секілді экономика секторларында америкалық капи­талдың қатысуымен шамамен 20 әлеуетті жобаны пысық­тауда.

Қазақстан америкалық компаниялармен ынтымақтастықты одан әрі дамытуға және мұнай-химия кәсіпорындарын салуға америкалық инвестициялар мен озық технологияларды тар­ту­ға мүдделі. Елбасы Нұр­­сұл­тан Назарбаевтың 2018 жыл­ғы қаң­тардағы АҚШ-қа сапары бары­сында қол жеткізілген уағдалас­тық­тар­ды табысты іске асыру ая­сында екі елдің іскер топтары арас­ындағы ынтымақтастықтың бел­сенді өсуі байқалады.

 

 

Соңғы жаңалықтар

Қолаға көңіл толмай тұр

TOKYO2020 • Бүгін, 22:13

Каспий жағалауында қоқыс көп

Экология • Бүгін, 20:47

COVID-19: Өңірлердегі жағдай күрделі

Коронавирус • Бүгін, 18:03

Нұр-Сұлтанда қандай вакциналар бар?

Коронавирус • Бүгін, 17:19

Алматыда қойма өртеніп жатыр

Аймақтар • Бүгін, 10:30

Ұқсас жаңалықтар