Үкімет • 12 Шілде, 2019

Өсімпұлдар жеке тұлғалардың барлық салықтық міндеттемелері бойынша есептен шығарылады — Қаржы министрлігі

161 реткөрсетілді

Өсімпұлдарды есептен шығару бойынша әзірленген ережелер туралы Үкімет алаңында Қаржы вице-министрі Қанат Баеділов айтып берді.

Заңда өсімпұлдарды есептен шығару өкілетті орган - Қаржы министрлігі белгілеген тәртіп бойынша жүргізілетіні қарастырылған. 

Қ. Баеділов хабарлағандай, жақында, шамамен шілде айының үшінші онкүндігінде өсімпұлдарды есептен шығару бойынша жұмыстар басталады. 

Аталған Ережелерге сәйкес, әрбір аудандық мемлекеттік кірістер басқармасында өсімпұлдарды есептен шығару бойынша комиссия құрылады. Бұл комиссия функциясына қарыздар сомасын өтеген салық төлеушілерді іріктеу үшін дербес есепшоттарды түгендеу бойынша күнделікті жұмыстар, 3 жұмыс күні ішінде қарыздарын өтеген салық төлеушілер бойынша өсімпұлдарды есептен шығару туралы шешімді шығару кіреді. Сонымен қатар, шешім шығарылған күннен бастап 3 күннен кешіктірмей салық төлеушінің дербес есепшоттары бойынша өсімпұлдар есептен шығарылады. 

Қарызының сомасын жеке тұлғалар Мемлекеттік кірістер комитетінің интернет-ресурсы немесе электронды Үкімет порталы (E-gov.kz) арқылы біле алады. 

«Арнайы өтініш жазып, мемлекеттік кірістер органдарына қандай да бір құжаттарды әкелудің қажеті жоқ. Ең бастысы - өткен жылдардағы өзінің міндеттемелері бойынша негізгі салық сомасын төлеу. Мемлекеттік кірістер органдары күн сайын дербес шоттарының жай-күйіне мониторинг жасайтын болады және олар негізгі борышты төлеген кезде өсімпұлды есептен шығару туралы тиісті шешімді 3 жұмыс күнінен кешіктірмей  шығарады», - деді қаржы вице-министрі.

Бүгінде «Салық төлеуші кабинеті» веб-қосымшасында дербес есепшотын көру үшін ЭЦҚ керек. Бірақ ЭЦҚ қолданбай-ақ қарызы туралы білуге болады, ол үшін Мемлекеттік кірістер комитетінің интернет-ресурсында ЖСН бойынша мәліметтерді онлайн-режимде алуға мүмкіндік беретін сервис іске қосылған. 

Қ. Баеділовтың айтуынша, өсімпұлдарды есептен шығару жеке тұлғаның барлық салықтық міндеттемелері бойынша жүргізіледі.   

Негізінен, олар жеке тұлғаның жеке меншігіне - жеріне, мүлкіне, көлігіне салынатын салықтар, сондай-ақ мүлікті сату кезінде құнының өсімінен мүлік салығын алумен байланысты жеке табыс салығы бойынша міндеттемелер. Жалғыз шарт - 2019 жылдың соңына дейін 2019 жылдың 1 қаңтарына дейінгі салықтық кезеңдегі салық міндеттемелері бойынша пайда болған қарыздарын төлеу. Яғни жеке тұлға тек өткен жылдардағы негізгі қарыз сомасын өтеуі керек, ал өсімпұлдар сомасы есептен шығарылады. 

Сонымен қоса, ағымдағы жылдың басынан бері негізгі қарызды төлеген жағдайда өсімпұлдар мен айыппұлдарды есептен шығару бойынша шағын және орта бизнес субъектілері үшін салықтық рақымшылық жүргізіліп келеді.  2019 жылдың 1 шілдесіндегі жағдай бойынша 40 мыңға жуық салық төлеуші 7,6 млрд сомасына негізгі қарызын өтеген, олар бойынша 2,1 млрд теңге сомасына өсімпұлдар мен 180,6 млн сомасына айыппұлдар есептен шығарылған. Салықтық рақымшылық ағымдағы жылдың соңына дейін созылады.       

Баннер
Соңғы жаңалықтар

Хат қоржын (23.09.2019)

Қоғам • Бүгін, 09:59

Қостанай қыста тоңбайды

Аймақтар • Бүгін, 09:48

«Мал да жоқ, қайыр да жоқ»

Қазақстан • Бүгін, 09:46

Бюджет тиімді жоспарлануы тиіс

Аймақтар • Бүгін, 09:25

Халхын-гол шайқасының қаһарманы

Руханият • Бүгін, 09:09

Даму бағыты айқын

Аймақтар • Бүгін, 09:00

Бояулармен бедерленген «Ботай»

Руханият • Бүгін, 08:55

Алатаудың ақиығы

Руханият • Бүгін, 08:54

Қос ақын үзеңгі қағыстырды

Руханият • Бүгін, 08:51

Италияда топ жарды

Спорт • Бүгін, 08:37

«Барыс» «Тракторды» жеңді

Спорт • Бүгін, 08:32

Мәжілістегі кездесулер

Саясат • Бүгін, 08:17

Түркістан – жастар қаласы!

Аймақтар • 21 Қыркүйек, 2019

Музейді түнде тамашалау да бір ғанибет

Руханият • 21 Қыркүйек, 2019

«Оңай» картасы қымбаттайды

Қоғам • 21 Қыркүйек, 2019

Ұқсас жаңалықтар