Аймақтар • 15 Шілде, 2019

Жамбыл облысында астық алқабы жанып жатыр

442 рет
көрсетілді
1 мин
оқу үшін

Жаз шыға салысымен Жамбыл өңірінде дала өрті жиі белең ала бастады. Жамбыл облыстық төтенше жағдайлар департаментінің мәліметінше, жаз мезгілінде бір ғана Т.Рысқұлов ауданының өзінде жалпы аумағы 500 гектарға жуық дала өртке оранған.

Жамбыл облысында астық алқабы жанып жатыр

Ал, 14 шілде күні аудандағы Қарақыстақ ауылындағы "Мақсат" шаруа қожалығына қарасты егіс алқабы өртенді.  

Т.Рысқұлов ауданы әкімінің орынбасары Ерлан Бақытжанұлы өрт салдарынан 40 гектар арпа, 20 гектар жайылымдық жер күйгенін айтты. Ал, Т.Рысқұлов ауданы бойынша төтенше жағдайлар бөлімінің басшысы Жандар Сейтімбетовтің айтуынша, өрт күндізгі сағат 11:30 шамасында басталып, кешкі сағат 17:17 шамасында ауыздықталған. Төтенше жағдайға 45 адам және 15 техника күші тартылған. 

Соңғы жаңалықтар

Су үнемдейтін қондырғы

Технология • Кеше