Екі аптаға созылатын шара барысында қиырдағы қандастар балаларына ана тілін дамыту, Қазақстан тарихын оқыту, қазақ халқының әдет-ғұрып дәстүрімен таныстыру, тарихи орындарды көрсету, астанамыздағы алдыңғы қатарлы жоғары оқу орындарын аралату, ұлттық аспаптарда ойнауды үйрету, қолданбалы және би өнеріне баулу, ұлттық тағам дайындау, т.б. шеберлік сабақтарын үйрету қарастырылған.
Аталмыш шараның ашылуында сөз сөйлеген Дүниежүзі қазақтарының қауымдастығы Төрағасының бірінші орынбасары Зауытбек Тұрысбеков, Елбасы тапсырмасына сәйкес шетелдерде тұратын қазақ диаспорасы балаларының ана тілінде оқуына, білім алуына, тарихи Отанымен мәдени-гуманитарлық қарым-қатынастарын арттыруына қатысты көптеген жобалар қолға алынып жатқанын айтып, соның бірі – алдағы тамыз айында «Балдәурен» республикалық оқу-сауықтыру орталығында Дүниежүзі қазақтары балаларының құрылтайын өткізу жоспарланып отырғанын жеткізді.
