Спорт • 17 Шілде, 2019

Михаил Кукушкин рейтингте 13 саты жоғарылады

102 реткөрсетілді

Қазақстандық теннисші Михаил Кукушкин Кәсіпқой теннисшілер қауымдастығының (ATP) жаңар­тылған әлемдік рейтингінде 13 саты жоғарылап, 45-орынға жайғасты.

Отандасымыз жуырда ғана Ұлы­бри­тания астанасы – Лондонда өткен Уимблдон турниріне қатысып, жарыс­тың 1/8 кезеңінде жапониялық Кеи Ниси­кори­ден жеңілген еді.

Кукушкин әлемнің ең үздік ТОП-50 теннисшісі қата­рына кірді. Сонымен қатар ерлер арасын­дағы рейтингте қазақстандық теннисші Алек­сандр Бублик бір саты төмен сырғып, 83-орынға тұрақтады. Ал тағы бір отанда­сы­мыз Александр Недовесов төрт саты жоғарылап, 196-орынға көтерілді.

Уимблдон турнирінің биылғы жеңімпазы сербиялық спортшы Новак Джокович ATP рейтингіндегі бірінші орнын сақтап қалды. Испаниялық Рафаэль Надаль екінші орында келеді. Ал швейцариялық Роджер Федерер үздік үштікті түйіндеп тұр.

Баннер
Соңғы жаңалықтар

Өркениетке бастаған өрелі істер

Қазақстан • 21 Тамыз, 2019

Ұқсас жаңалықтар