«Нарыққа шығарылатын еттің сапасы да қатаң қадағалауда», дейді кәсіпорын жұмысшылары. Барлық техникалар компьютерлендірілген, жемнің құрамын лабораторияда жиі тексеріп, сол арқылы жем мөлшерінің көрсеткіштерін бақылап тұруға болады. Тіпті әр құсқа берілетін мөлшері көрсетіледі.
«Шымкент құс» – халықты сапалы табиғи өніммен қамтамасыз етіп отырған бірегей компания. Бүгінде отандық өндірісте үлесі мол серіктестік өнім түрлерін ұлғайту мақсатында бройлер тауық етін өндіруді де қолға алды.
Фабрикада 150 мыңға жуық бройлер тауығы бар. Сағатына 2 мың құс сойылады. Ерекше атап өтерлігі, аталған құс фабрикасында барлық тауықтар шариғат талаптарына сай қолмен сойылады. Тәулігіне 7 мың бройлер құс етін дайындайды. Осылайша тұтынушыларды отандық сапалы, қауіпсіз құс етімен қамтамасыз етуді көздеп отыр.
