Жалпыреспубликалық тазалық акция аясында «Таза Алматы» экологиялық шарасын Алматы әкімі Бақытжан Сағынтаев бастап беріп, алматылықтар Көкжайлау шатқалын және күрежолдарды тазартуға шықты.
«Таза Қазақстан үшін» челенджін Президенттің өзі қолдағаны белгілі. Бұл шараға ауа-райының қолайсыздығы да кедергі бола алмайды. Көкжайлау аумағын тазалауға еліміздің бас экологі Мэлс Елеусізов те қатысуда. Алматы қаласының тұрғыны ретінде бас эколог алматылықтрды төңірегімізді қоқыстан тазартуға, тазалық жасауға шақырған болатын.
Алматының экологиялық ахуалын жақсартып, халық арасында тазалық мәдениетін қалыптастыруды мақсат еткен #TazaAlmaty челленджіне қатысушылар 5 шақырымға созылған тау жолын тазалап, туристерден қалған тұрмыстық қалдықтардан, қоқыстардан арылтты.
АЛМАТЫ
