Тоғыз турға созылған халықаралық жарыстың қорытындысы бойынша, екі жерлесіміз де бірдей 6,5 ұпай жинаған болатын. Дегенмен қосымша көрсеткіштерге байланысты Сәдуақасова бірінші, Әбдімәлік екінші орынға орналасты. Үздік үштікті 6 ұпай топтаған болгариялық спортшы Нұргүл Салимова түйіндеді.
Сонымен қатар аталған турнирде бақ сынаған отандасымыз Әлішер Сүлейменов 5 ұпаймен 129-орыннан көрінсе, 16 жасқа дейінгілер арасында Айтуар Жүкенов 238-орынға (3,5 ұпай) тұрақтады. Pardubice Czech Open жарысына дүние жүзінен жалпы саны 300-ден аса шахматшы қатысқан.
