Норвегия тасжолында өткен бәсекенің соңғы жарыс күнінде спортшылар Лединген мен Нарвик қалаларын жалғаған 165,5 шақырым қашықтықты жүріп өтті. Мәре сызығын бірінші болып норвегиялық Маркус Хельгаард кессе, екінші орынды
отандасы Амунд Грёндаль Янсен иеленді. Үздік үштікті Қазақстан чемпионы Алексей Луценко түйіндеді.
Осылайша, Луценко төрт күнге созылған жарыстың жалпы кезеңі бойынша топ жарды. Екінші орында Team Arkea Samsic өкілі, француз Варран Баргий. Israel Cycling Academy велоспортшысы Кристс Нейландс үздік үштікті қорытындылады. «Астананың» тағы бір өкілі Уго Уль 5-ші орынға табан тіреді. Сондай-ақ «Астана» велокомандасы жалпыкомандалық есепте бірінші болды.
