Спорт • 20 Тамыз, 2019

Халықаралық жарыстан 10 медаль олжалады

26 реткөрсетілді

Ташкентте жеңіл атлетикадан Өзбекстанның ашық кубогы аяқталды. Халықаралық турнирге қазақ­стандық 20 атлет қатысып, жарыс қорытындысы бойынша 3 алтын, 4 күміс және 3 қола медаль жеңіп алды.

Үш қарғып секіруден Мария Овчин­никова, 110 метрге кедергілер арқылы жү­гіру бойынша Давид Ефремов және 1500 метрге жүгіруден Алексей Гусаровтар алдына жан салмады. Ал 800 метр қашықтыққа жүгіруден Абдулазиз Абдукаюмов, ұзын­дыққа секіруден Марина Хусейнова, спорт­тық жүріс бойынша Виталий Терехин және ядро лақтыру сайысында Екатерина Нестерова алтынға қолжетім жерде сүрініп, күміс медаль иеленді.

Евгений Прокудин (110 метрге кедер­гілер арқылы жүгіру), Виталий Земс (100 метр), Екатерина Нестерова (балға лақтыру) Өзбекстан ашық кубогының қола жүлдегері атанды.

Баннер
Соңғы жаңалықтар

Импорттан не ұттық?

Экономика • Кеше

Ұқсас жаңалықтар