Өңірдің өзге қалалары мен аудандарынан келіп оқитын лицейліктер үшін асханасы, барлық тұрмыстық жағдайы бар интернат үйі жұмыс істейді.
IT-мектеп оқуға және техникалық сабақтарға арналған заманауи жабдықтармен жарақтандырылған. Оқушылар 5-ші сыныптан бастап жаңа пәндер мен бағдарламалау тілдеріне тереңдетіп оқыту арқылы кәсіптік бағдар ала бастайды. Оқыту қазақ, орыс және ағылшын тілдерінде жүргізіледі. Мектеп мұғалімдері университетте тағылымдамадан өткен.
Мектеп-лицейде оқушылардың бос уақытын тиімді өткізуі және спортпен айналысуы үшін барлық жағдай жасалған. Мұнда футбол, баскетбол, бокс, күрес және басқа да спорт түрлеріне арналған құрал-жабдықтармен жарақтандырылған акт залы және екі спорт залы бар.
