ОРТАҚ ПІКІР ОРАЙЫНДАҒЫ ӘҢГІМЕ

Қазақстан Республикасы Пар­ла­менті Мәжілісінің Төрағасы Орал Мұхамеджанов Швейцария Конфе­де­рациясының Қазақстандағы Тө­тен­ше және өкілетті елшісі Стефан Нелленді қабылдады, деп хабарлады осы палатаның баспасөз қызметі. Кездесуде Мәжіліс Төрағасы Қазақстан мен Швейцария әріп­тес­тік байланысты нығайтып келе жат­қанын айта келіп, екі ел арасындағы сауда айналымы қаржы дағдарысы кезінде бәсеңдегенмен, алдағы ке­зеңде жоғары қарқынға ие болатынына сенім білдірді. Қазақстан мен Швейцария ара­сындағы ынтымақтастық байланыс­тың дамуына ешқандай кедергі жоқ. Тараптар осындай ортақ пікір айтты. Елші соңғы жылдары екі ел арасындағы байланыстың жаңа дең­гейге көтерілгенін, мұнай саласын игеруде бірлесе атқаратын істер көп екенін айтты. Мәжіліс Төрағасы Қазақ­станның ЕҚЫҰ-ға төрағалық етуі және басқа да еліміздің сыртқы саясаттағы ұс­танған көзқарасы жайлы әңгімеледі. Тараптар сауда-эконо­ми­калық айналымды жақсартып, тәжірибе алмасу екі ел пар­ла­менттері ара­сын­дағы достық тобының жұмы­сын жандан­ды­рып, байланысты дамыту маңызды екенін айтты. Кездесу соңында Мәжіліс Төрағасы елшінің Қазақ­стан­дағы мәртебелі қызметіне табыс тіледі.