«Бірінші байлық – денсаулық» демекші, осы Жолдауда халықтың денсаулығын жақсарту мәселесіне де басты назар аударылды. Иә, саламатты өмір салтын насихаттауда спорттың алатын орны зор екені анық. Соны қаперге алған Мемлекет басшысы спортты, соның ішінде бұқаралық спортты дамытуды қолға алу қажеттігін айтты.
Өз сөзінде Қасым-Жомарт Тоқаев «Спорт инфрақұрылымының балалар үшін барынша қолжетімді болуын қамтамасыз ету керек. Бұқаралық денешынықтыруды өркендету ісі жаңа чемпиондар шыңына шығатын пирамидаға айналуы тиіс. Бұл саламатты әрі белсенді жастардың, түптеп келгенде, қуатты ұлттың негізін қалыптастырады», деп спорт саласы мен денешынықтыру ісінің маңыздылығына тоқталды.
Мемлекет басшысы айтқандай, Жолдау бойынша тиісті жұмыстар атқарылатын болса, Қазақстан жаңа чемпиондардың мекеніне айналатынына мен бек сенімдімін.
Елдос СМЕТОВ,
дзюдодан әлем чемпионы,
Олимпия ойындарының күміс жүлдегері
