Термометр бағандары күндіз: еліміздің солтүстік бөлігінде 15…23 градус жылы, оңтүстік бөлігінде ауа температурасы 20…28-ге дейін біртіндеп көтеріледі.
Сонымен қатар айдың басында солтүстікте, орталықта және шығыста түнде төмен температура: 2…10 градус аязға дейін, кей жерлерде 3 градус жылыға дейін сақталады. Содан кейін бірінші онкүндіктің соңында Ресейдің Еуропалық аумағынан суық ауа массаларының келуімен ауа температурасының төмендеуі және алдымен батыста, содан кейін республиканың қалған аумағында жауын-шашын түсуі мүмкін: ауа температурасы күндіз батыс және солтүстік өңірлерде 7…15 жылыға дейін, шығыста 8…18 жылыға дейін, оңтүстік өңірлерде 12…20 жылыға дейін төмендейді.
Ұзақ мерзімді болжамға сәйкес, айдың ішінде суық толқыны жауын-шашын, тұман, көктайғақ құбылыстары, екпіні 15-20 м/с дейін желдің күшеюі сияқты ауа райы жағдайлары жиі ауысып, жылу толқындарымен алмасатын болады.
Қазан айының орташа ауа температурасы Қазақстанның көптеген бөлігінде норма шамасында, Түркістан, Жамбыл, Алматы, Қызылорда облысының батысында 1°С нормадан жоғары болады деп күтіледі.
Жауын-шашын мөлшері еліміздің көптеген бөлігінде – норма шамасында және нормадан көп, Батыс Қазақстан, Атырау, Ақтөбе, Қызылорда, кей жерлерде, Қостанай және Қарағанды облыстарында нормадан төмен болады деп болжанады.
