Спорт • 02 Қазан, 2019

Юлия Пу­тин­цева екінші кезеңде есе жіберді

109 рет
көрсетілді
1 мин
оқу үшін

Қазақстандық теннисші Юлия Пу­тин­цева Қытайдың бас шаһары – Бей­жіңде өтіп жатқан жүлде қоры
8 285 274 АҚШ долларын құрайтын WTA турнирінің екінші айналымынан аса алмады.

Юлия Пу­тин­цева екінші кезеңде есе жіберді

Тұсаукесер кездесуінде жерлесіміз ресейлік Анна Блинкованы 6:0, 6:1 есебімен ойсырата ұтқан еді. Екінші кезеңде оның жолы Эшли Бартимен қиысты. 23 жастағы аустралиялық теннисші қазіргі кезде әлемдік рейтингте көш бастап тұр. Осы күнге дейін WTA турнирлерінде 16 мәрте топ жарған ол биыл «Ролан Гаррос» додасының жеңімпазы атанды. Сонымен қатар Аустралияның ашық біріншілігінде ширек финалға дейін жетті. Міне, біздің Юлия Путинцеваға осындай мықтымен Бейжіңдегі жарыстың екінші айналымында кездесуге тура келді. 1 сағат 17 минутқа созылған бұл бәсеке 6:4, 6:2 есебімен Бартидің пайдасына шешілді.