Қали Сәрсенбай Ресей Жаратылыстану ғылым академиясының И.А.Бунин атындағы Күміс медаліне ие болды

«Тұлғатану» деп аталатын ауқымды ұғымды жур­налистиканың тұтас бір тар­мағына айналдырып, өнер мен мәдениет тақырыбына үздіксіз қалам тербеп, ойы мен танымын рухани мұрат­тың орындалуы жолында желбіретіп келе жатқан Қали Сәрсенбайдың есімі қазақ оқырманына кеңінен та­нымал. Жуырда ғана «KAZGOR» жобалау академиясы қа­ламгерді ұжым ортасына арнайы шақырып, қызықты кездесу өткізіп, 60 жылдық мерейтойымен құттықтап, академик ата­ғын берген еді. Енді, мі­не, сол қуаныш соңынан тағы да ақжолтай хабар сүйін­шіленіп отыр. Ресей Жара­тылыстану ғылым академиясы Президиумының 2019 жылғы қыркүйектегі №292 шешімімен Қали Сәр­сенбай И.А.Бунин атын­дағы Күміс медальмен марапаттал­ды. Ғылым, білім және мә­де­ниет­ті дамытуға қызмет еткен ғалымдар мен ізгі жү­ректі қайраткерлердің ғы­лыми шығармашылық қа­уым­­дастығы ре­тін­де танылған Ресей Жара­тылыстану ғылым ака­­демиясы қазақтың белгілі сөз зергерінің көп қырлы же­місті еңбегін лайықты баға­лағаны – ұлт руханиятына көрсетілген құрмет.

АЛМАТЫ