Аймақтар • 07 Қазан, 2019

Түйіршік отынды тұтына бастады

493 рет
көрсетілді
3 мин
оқу үшін

«Қостанай жылу энергетикалық компаниясы» МКК көмір мен көгілдір отыннан біртіндеп бас тарт­пақ. Бұл жөнінде аталған ұйым өкілдері арнайы ұйым­дас­­тырылған баспасөз мәслихатында мәлім етті. Кәсіп­орын алдағы уақытта түйіршік отынды пайда­ланбақ ниетте.

Түйіршік отынды тұтына бастады

Пеллет деп аталатын отын кәдімгі өсімдік қал­дық­­тарынан жасалады екен. Әсі­ресе сабан мен қа­мыс­тан жақсы отын шы­ғады. Отын­ның бұл түрі табиғи саналады. Ең бастысы арзан.

– «Қызыл партизан» ел­ді­ мекеніндегі №8 жылу қа­зандығын түйіршік отынмен жағылатын етіп қайта жабдықтадық. Тағы бір жылу қазандығын алдырғалы жатырмыз. Пеллет өсімдік ши­кізатынан жасалады. Кө­­­біне қамыс, шөп, сабан қол­данылады. Ши­кізат ны­ғыз­далып, түйіршік­теледі. Та­­би­ғи өнімнің қызуы жақсы, қалдығы да ана­ғұрлым аз, ең бастысы – бағасы тиімді, – дейді «ҚЖЭК» МКК директоры Асқар Бекмағамбетов.

Аталған отынның да­мы­ған елдерде кеңінен қолда­нылатынын айта кеткен жөн.  Мәселен, АҚШ-та 2008 жылдан бері қолданылып келеді. Сол кездің өзінде бұл елде түйіршік өндірісімен 80-нен астам компания айналысып, жылына 1,1 млн тонна өнім шығарған. Қазір Құрама Штат­тарда 600 мыңнан ас­там ғимарат жыл сайын 2 млн тонна түйіршік отынмен жы­лы­тылады.

Ал Финляндияның тұр­ғын үй секторы жылына 70 мың тонна түйіршік қолданады. 7 мыңға жуық ғимарат биоотынмен жылытылады. Кли­маты Қа­зақ­станға ұқсас Ка­нада да –  түйіршік отынды көп тұты­натын елдердің бірі. Бұл елде жылына 1,3 млн тоннаға жуық өнім өндіріледі. Түйір­шік шығаратын зауыт­тар негізінен жағалауда орна­ласқан. Канаданың батыс жа­ғалауында орналасқан зауыттар ағаштың жұмсақ шырша, қарағай іспетті сұрыптарын пайдаланады. Ал шығыс жа­ға­лауының зауыттары емен, үйеңкі, шие және басқа да қатты сорттарды пайдаланатын көрінеді. Даму деңгейі жо­ғары басқа да мемлекеттерге тоқталар бол­сақ,  жыл сайын Швеция – 1,7 млн тонна, Германия – 900 мың тонна, Аустрия – 800 мың тонна, Латвия – 200 мың тонна пеллет тұтынады. Еуропада отын­дық ағаш түйір­шіктерін шығаратын шамамен 650 зауыт жылына 10 млн тоннадан астам өнім шыға­рады. Жалпы, әлем бойынша жылына 22,5 млн тонна түйіршік отын кәдеге жаратылады.

Қостанайлық жылу ком­па­ния­сының мәліметіне жү­гінер болсақ, отын грану­ла­­ларын пайдалану эко­номикалық жағынан тиімді. Себебі біз жағып отырған газдың әр тоннасын жылу компаниясы 24 мың теңгеден ұсы­нды. Ал баламалы отын 11-12 мың теңгеге шы­ғуы тиіс. Оның үстіне өнімнің әр тоннасы­нан 3,5-4 Гкаллория жылу алуға болады. Есеп дұрыс болса, жылына 20 млн теңгеге дейін қар­жы үнемдеуге болады дейді мамандар.

 

Жұматай КӘКІМЖАНОВ,
журналист

 

Қостанай