Қазақстан • 09 Қазан, 2019

Роман Скляр Қазақстан-Франция инвестициялық форумына қатысты

30 реткөрсетілді

Францияның іскерлік орталарының 150-ден астам өкілдері қатысқан маңызды халықаралық іс-шараның барысында Қазақстан-Француз серіктестігін мемлекеттік деңгейде ғана емес, екі елдің іскерлік орталары мен азаматтарының ынтымақтастығын кеңейту әлеуеті талқыланды. Бұл туралы Премьер-Министрдің баспасөз қызметі хабарлады.

Форумға қатысушылар Қазақстанның инвестициялық мүмкіндіктерін, бірлескен жобаларды іске асыру перспективаларын талқылап, еліміздің инвестициялық климатына баға берді.

Премьер-Министрдің орынбасары өз сөзінде атап өткендей, қазіргі таңда қазақстан-француз қатынастарын «стратегиялық серіктестік» ретінде сипаттауға болады, ол достық пен өзара қолдау дәстүрлеріне сүйенген тиімді және өзара толықтыратын ынтымақтастықтың үлгісі. Мәселен, бүгінгі күнде кең шарттық-құқықтық база құрылған, онда 2008 жылы қол қойылған Стратегиялық серіктестік туралы шарт ерекше орын алады.

Бұдан өзге, Қазақстан француз бизнесі үшін Орталық Азия өңіріндегі сенімді серіктес болып табылады. Қазақстан еуропа елдерінің өңірдегі экономикалық мүдделерінің таратушысы бола алады. Машина жасау, жер қойнауын пайдалану, мұнай өңдеу, энергия үнемдеу, көліктік-логистикалық инфрақұрылымды дамыту, фармацевтика және басқа да салаларда өзара тиімді ынтымақтастықтың дәстүрлі тәжірибесі қалыптасты.

Форумға қатысушылар атап өткендей, француз компаниялары Қазақстанға капитал салу мәселесіне жоғары қызығушылық танытуда, бұл Еуразия континенті елдерін байланыстыратын стратегиялық дәліз. Француз іскерлік орталарының өкілдері берген бағаға сәйкес, Қазақстан Францияның Орталық Азиядағы сенімді серіктесі, екі ел арасында өзара тиімді ынтымақтастық тәжірибесі қалыптасқан.

Инвестициялық форум барысында AirLiquideKarabatanTechGases және KazakhstanPetrochemicalIndustries (KPI) арасында техникалық газды жеткізуге ұзақ мерзімді келісімшартқа қол қойылды. Келісімшарт «Ұлттық индустриялық мұнай-химия технопаркі» АЭА аумағында құрғақ сығылған ауа мен азотты өндіретін қондырғының құрылысын және оны Біріктірілген газ-химиялық кешенге жеткізуді көздейді. Осындай құжатқа қол қою, «ҚазМұнайГаз» ҰК» АҚ қазақстандық мұнай компаниясымен бірлескен кәсіпорын шеңберінде AirLiquide компаниясының Қазақстандағы қызметін дамытуда кезекті қадам болды.

Сондай-ақ форум шеңберінде энергетика, мал шаруашылығы, минералдарды өндіру, мұнай-газ өнеркәсібі, өндірістерді цифрландыру мен автоматтандыру салаларын қамтитын компаниялармен 10-ға жуық екіжақты кездесулер өткізілді, оның ішінде: IDEMIA, AIRBUS GROUP, CNCR Group, ORANO MINING, BureauVeritas, IFP EnergiesNouvelles және тағы басқалар.

Бүгін Франция Қазақстанның негізгі сауда-инвестициялық серіктестерінің бестігіне кіреді. Осы жылдары өзара тауар айналымы $50 млрд дейін жетті. Сонымен қатар, уран, мұнай-газ, титан өнеркәсібінде, көліктік машина жасау, құрылыс материалдарын, азық-түлік өнімін өндіру және басқа да салаларда бірқатар ірі бірлескен инвестициялық жобалар іске асырылды, бұл соңғы 14 жылда $15,6 млрд көлемінде француз инвестицияларын тартуға мүмкіндік берді. Қазақстанда француз капиталының қатысуымен барлығы 130-дан астам компания жұмыс жасайды.

Осындай жақсы нәтижелерге қарамастан, экономикалық саладағы екіжақты серіктестікті кеңейтіп тереңдету үшін айтарлықтай әлеует бар, әсіресе Қазақстан мен Франция Президенттері айқындаған үш басым секторда: баламалы энергетика, ауыл шаруашылығы және цифрландыру.

Сөзін қорытындылай келе Роман Скляр, Қазақстан бүгін — бұл бизнесті тиімді жүргізу үшін жаңа мүмкіндіктер мен зор әлеует екенін атап өтті. Біздің ел инвестициялық климатты жақсартуға бағытталған дәйекті түрде реформалар жүргізуде, кәсіпкерлермен ашық диалог қамтамасыз етуде және инвестицияларды тарту үшін инфрақұрылымды жетілдіруде. Бұдан өзге, Қазақстан бизнес жүргізу үшін ең жақсы шарттар ұсынады және сауда-саттық жасап, жоғарғы қосылған құнымен экспортқа бағытталған, бәсекеге қабілетті өндірістерді құруға инвестиция салуға дайын француз серіктестерін тартуға мүдделі.

Соңғы жаңалықтар

Алтын Адам Афинада

Қазақстан • Бүгін, 18:40

Тартымдылық тереңдей түспек

Аймақтар • Бүгін, 09:37

Жаңылтпаш жауаптар кімге қажет?

Аймақтар • Бүгін, 09:17

Қорғаныс-өнеркәсіп кешені

Қоғам • Бүгін, 07:59

Үздіктер марапатталды

Футбол • Бүгін, 07:57

Жастар жарады

Спорт • Бүгін, 07:51

Жерлестеріміз жоғарылады

Кәсіпқой бокс • Бүгін, 07:50

Фронт-кеңсе ашылды

Аймақтар • Бүгін, 07:31

Қоршаудан құтылған қала

Қоғам • Бүгін, 07:28

Анаға тағзым етіңдер!

Руханият • Бүгін, 06:57

Үмітіңді үзбе, үлескер...

Қоғам • Бүгін, 06:51

Ұлылар мұрасы – ұрпаққа өнеге

Аймақтар • Бүгін, 06:42

«Атыңнан айналайын, Әулие ата»

Руханият • Бүгін, 06:40

Ел ардағы – елу есім

Қоғам • Бүгін, 06:20

Он айдағы орнықты даму

Экономика • Бүгін, 06:17

Стратегиялық ықпалдастық артады

Парламент • Бүгін, 06:09

Миссия басшысымен кездесті

Үкімет • Бүгін, 06:08

Ұқсас жаңалықтар