Аймақтар • 14 Қазан, 2019

Алматы жартылай марафонында 5 мыңдай әуесқой спортшы мәреге жетті

24 реткөрсетілді

Жекесенбі күні Алматы жартылай марафонында 5 мыңдай әуесқой спортшы мәреге жетті. «Бірінші болу – батылдық» КҚ бастама болған бұқаралық спорттық іс-шара осымен екінші мәрте өтіп отыр. Жарысқа Қазақстанның түкпір-түкпірінен және әлемнің 25 елінен мыңдаған қатысушы жиналды. Олар Тұңғыш Президент Саябағында сөреге шығып, 10 шақырым және 21 шақырым қашықтықты жүгіріп өтіп, Орталық алаңда мәреге жетті.

Спортшыларға Алматы қаласының спорт басқармасының басшысы Рүстем Байсейітов пен «Алматы марафонының» негізін қалаушы және қамқоршылық кеңестің төрағасы Ғалымжан Есенов сәттілік тіледі. «Спот сиқырының күштілігі сонда, жыл сайын шараға қатысушылардың саны артып келеді. Былтыр 3 500 адам қатысса, биыл 26 елден келген 5 мың спортшы қатысып отыр. Жүгіру трассасы AIMS халықаралық марафон қауымдастығының ережелеріне сай сертификаттаудан өтті. Бұл оның сапалы екенін растап, әлемдік стандарттарға сай екендігін білдіреді. Жартылай марафон – қаланың спорттық өмірінің ажырамас бөлігі және «Алматы марафоны» дәстүрінің жалғасуы», дейді Ғалымжан Есенов.

– Екі күн төңірегінде марафон мен триатлонның тарихы жазылды. Кеше ғана Вена (Австрия) марафонында (42.2 км) әлемге әйгілі жүгіруші Элиуд Кипчоге әлемдік рекордтың иегері атанды. Бүгін таңертең біздің олимпиада чемпионымыз Александр Винокуров Кона қаласында (Гавайи) өткен триатлоннан әлем чемпионатында өзінің жас санатында жеңімпаз атанды. Бұл батылдықтың, ерік-жігердің және спорттық жетістіктердің керемет үлгісі,- дейді Алматы жарты марафонының директоры Салтанат Қазыбаева.

Мәреге бірінші болып 10 шақырым қашықтыққа жүгірген жеңімпаздар келді. Амангос Иассауи (32 минут 8 секунд) ерлер арасында өзгелерді озса, ал Екатерина Парамонова (37 минут 32 секунд) әйелдер арасында бірінші болып мәреге жетті.

Жартылай марафоншылар арасында қызу жарыс басталды. 21 шақырым қашықтыққа жүгіруден алматылық Михаил Красилов (1 сағат 9 минут 15 секунд) жеңіпаз атанды. Қыздар арасында Жанна Мамажанова 1 сағат 19 минут және 8 секунд уақыт көрсеткішімен бірінші болып келді. Ең жүйрік ерлер мен әйелдер үштігі 1,5 миллион теңге көлемінде ақшалай жүлде қорын өзара бөлісті. Жүлдегерлер әр жас санатында да анықталды.

Биыл жартылай марафон трассасында медициналық көмекпен қамтамасыз ету жағы күшейтілді.

– Трассада жедел медициналық жәрдем бригадалары, велосипед мінген медиктер, Қызыл Жарты Ай Қоғамының еріктілері және Қызыл Жарты Ай Қоғамында жаттыққан Қазақ-Ресей Медициналық Университетінің ерікті студенттері кезекшілік етті. Тас жолда сонымен бірге Cardios медициналық орталығының дәрігерлерінің шатырлары орнатылды. Ешкім ауыр жарақаттанған жоқ, ал әрбір келушіге шұғыл түрде көмек көрсетілді, деді жарыстың бас дәрігері Оразбек Сахов.

Дүйсенбі 14 қазан күні тоғызыншы Алматы марафонына тіркеу ашылады. Жарыс 2020 жылдың 19 сәуірінде өтеді. 2019 жылы марафонға әлемнің 53 елінен келген спортшылар қатысты.

 

 

АЛМАТЫ

Соңғы жаңалықтар

Тартымдылық тереңдей түспек

Аймақтар • Бүгін, 09:37

Жаңылтпаш жауаптар кімге қажет?

Аймақтар • Бүгін, 09:17

Қорғаныс-өнеркәсіп кешені

Қоғам • Бүгін, 07:59

Үздіктер марапатталды

Футбол • Бүгін, 07:57

Жастар жарады

Спорт • Бүгін, 07:51

Жерлестеріміз жоғарылады

Кәсіпқой бокс • Бүгін, 07:50

Фронт-кеңсе ашылды

Аймақтар • Бүгін, 07:31

Қоршаудан құтылған қала

Қоғам • Бүгін, 07:28

Анаға тағзым етіңдер!

Руханият • Бүгін, 06:57

Үмітіңді үзбе, үлескер...

Қоғам • Бүгін, 06:51

Ұлылар мұрасы – ұрпаққа өнеге

Аймақтар • Бүгін, 06:42

«Атыңнан айналайын, Әулие ата»

Руханият • Бүгін, 06:40

Ел ардағы – елу есім

Қоғам • Бүгін, 06:20

Он айдағы орнықты даму

Экономика • Бүгін, 06:17

Стратегиялық ықпалдастық артады

Парламент • Бүгін, 06:09

Миссия басшысымен кездесті

Үкімет • Бүгін, 06:08

Күлкі керуені № 14

Руханият • Кеше

Ұқсас жаңалықтар