86 кило салмақ дәрежесінде белдескен қандасымыз айтулы турнирде шеберліктің шынайы үлгісін көрсетті. Барлық бәсекеде басымдық танытқан Азамат ақтық айқаста жергілікті балуан, халықаралық дәрежедегі спорт шебері Арсен-Әли Мусалалиевті 8:5 есебімен ұтты.
Жалпы бұл жарыста Дәулетбековтен бөлек, өзге елдің тағы бір өрені ғана алтын тұғырға көтерілді. Ол – 92 кило салмақта күш сынасқан Молдованың өкілі Георгий Рубаев. Қалған бас жүлденің барлығы Ресей құрамасына бұйырды.
Өзге салмақ дәрежелерінде мына балуандар жеңімпаз атанды: 57 кило – Әбубакар Муталиев, 61 кило – Ибрагим Абдурахманов, 65 кило – Рамазан Ферзалиев, 70 кило – Азнаур Таваев, 74 кило – Магомед Хизриев, 79 кило – Ацамаз Санакоев, 97 кило – Расул Магомедов және 125 кило – Батраз Газзаев.
