Үндістан делегациясы қазақстандық әскери институтта болды

Қазақстан • 17 Қазан, 2019

Үндістан делегациясы қазақстандық әскери институтта болды

34 рет көрсетілді

Алматыда Радиоэлектроника және байланыс әскери-инженерлік институтына Үндістан делегациясы келді. Оның құрамында Үндістанның Қазақстандағы әскери атташесі – полковник Милан Наладваде, әскери-әуе күштерінің өкілі – авиация полковнигі Анил Кумар Натур Гураджани, сондай-ақ ӘӘК College of air Warefare жетекші оқу орнының офицерлері болды. Бұл туралы Қорғаныс министрлігінің баспасөз қызметі хабарлады.

Egemen Qazaqstan

Жұмыс сапары аясында Үнді офицерлері қазіргі заманғы оқу-материалдық базамен және оқыту жүйесімен танысты, әскери институттың аудиториялары мен сыныптарын қарап шықты, онда оларға әскери техника мен қару-жарақ үлгілері көрсетілді.

Қазақстандық әскери институт өкілдері шетелдік қонақтарға Қазақстандағы жоғары әскери білім, оқу орнының даму болашағы, жоғары оқу орнының білім беру және ғылыми әлеуеті туралы айтып берді. Шетелдік қонақтар өздерін қызықтырған барлық сұрақтарға жауап алды, сондай-ақ әскери институттың мұражайында болды. Үндістан делегациясының жетекшісі құрметті қонақтар кітабына естелік жазба қалдырды.

Шетелдік өкілдер әскери-инженерлік институт оларға оң әсер қалдырғанын айтты. Үнді делегациясы өзара ынтымақтастықты жалғастыруға және дамытуға сенім білдірді, сондай-ақ әскери оқу орнының басшылығына қонақжайлығы үшін алғыс білдірді.

Радиоэлектроника және байланыс Әскери-инженерлік институты зениттік зымыран, радиотехникалық әскерлер, авиацияны радиотехникалық қамтамасыз ету байланыс бөлімдері үшін білікті офицерлерді, сондай-ақ әскерлер мен қару-жарақты басқарудың автоматтандырылған жүйелерінің инженерлерін даярлайтынын атап өткен жөн. Офицер-радиоинженерлерді даярлау 5 мамандық бойынша жүргізіледі. 18 жыл ішінде ЖОО еліміздің Қарулы Күштері үшін 1730 лейтенант – білікті әскери мамандарды даярлады.

Күннің маңызды және өзекті жаңалықтарын «Егемен Қазақстан» телеграм каналынан оқыңыз