Кездесу барысында министрлер екіжақты ынтымақтастық және Қазақстан Республикасы Президентінің Қырғыз Республикасына алдағы сапары мәселелерін талқылады.
Қазақстан Республикасының Индустрия және инфрақұрылымдық даму министрі Қазақстан Республикасының Үкіметі мен Қырғызстан Республикасының Үкіметі арасындағы мемлекеттік шекара арқылы өткізу пункттері туралы келісімге өзгерістер енгізу туралы хаттаманы ратификациялау рәсімінің аяқталғаны туралы айтты.
«Бұл екі өткізу пункті мәртебесін «екіжақты»-дан «көпжақты халықаралық»-қа ауыстыруға мүмкіндік береді», деп атап өтті Министр.
Қырғызстанның сыртқы саяси ведомствосының басшысы елдің сыртқы саясаты жұмысының негізгі бағыттары туралы хабардар етті.
Сонымен қатар Қазақстан Республикасының Индустрия және инфрақұрылымдық даму министрі өнеркәсіп, көлік, жер қойнауын пайдалану, құрылыс және тұрғын үй-коммуналдық шаруашылық саласындағы ынтымақтастық бойынша екіжақты және көпжақты өзара іс-қимылды одан әрі нығайту және кеңейту туралы өз ойымен бөлісті.
Кездесу қорытындысы бойынша тараптар елдер арасындағы өзара тиімді ынтымақтастықты одан әрі тереңдетуге ықпал ету ниетін растады және Қырғыз Республикасында кезекті кездесу өткізуге келісті.
