Аймақтар • 18 Қазан, 2019

Е.Айтаханов:Бізді шетелде татулықтың эталоны ретінде таниды

14 реткөрсетілді

18 қазан - Рухани келісім күні мерекесінің қарсаңында Шымкент қаласының әкімі Ерлан Айтаханов діни конфессиялардың басшыларын қабылдады. Кездесуде қала әкімі діни конфессия басшыларымен дін жұмыстары бойынша пікір алмасты. Сондай-ақ жиынға қатысушылар дінаралық қарым-қатынас мәселелерін де талқылады. Бұл туралы Шымкент қаласы әкімдігінің баспасөз қызметі хабарлады.

"Бүгін өздеріңізді "Рухани келісім күні" мерекесімен шын жүрегіммен құттықтағым келеді. Біз - көпконфессиялы мемлекетпіз. Тәуелсіздік алғалы бірлігіміздің арқасында өсіп-өніп келе жатырмыз. Бізді шетелде татулықтың эталоны деп таниды. Біз осы ынтымақ-бірліктің үлгісін өзімізден кейінгі ұрпаққа жеткізуіміз керек. Алдағы жылы мегаполисымыз ТМД елдерінің мәдени астанасы атанбақ. Ол үшін жан жақты дайын болуымыз керек. Сіздер де сол дайындыққа, қала тұрғындарының санасын өзгертуге, ізгіліктің дәнін себуге көмектеседі деген сенімдемін" деді Ерлан Қуанышұлы.

Мәжіліс барысында Қазақстан мұсылмандары діни басқармасының Шымкент қаласы бойынша өкіл имамы, "Ақмешіт" орталық мешітінің бас имамы Бақтыбай Бейсенбаев: "18 қазан - Рухани келісім күні" деп атаудың өзі дін өкілдеріне деген үлкен құрмет екендігін айтып, мемлекетіміздің салиқалы саясатын жүргізуге, тұрақты діни ахуал, мамыражай қоғам қалыптастыруға өзге дін өкілдерімен бірлесіп жұмыс істейтіндігін жеткізді.

Сонымен қатар жиында «Шымкент епархиясының Шымкент қаласындағы Свято-Никольский кафедралдық соборының приходы» жергілікті діни бірлестігінің діни қызметшісі Александр Могилевский де өз ойын жеткізді. «Дін де, дәстүр де қоғамда тыныштық пен татулықтың, ынтымақ пен сыйластықтың салтанат құруына қызмет етеді. Діни қызмет саласындағы мемлекеттік реттеудің бір бағыты – діни ахуалды зерделеу және талдау екендігі белгілі. Сондықтан да, біз осы қалыптасқан ахуалды шешудің дұрыс тетіктерін қамтамасыз ету басты назарымызда» деді А.Могилевский. 

Ал, "Шымкент қаласының еврей қауымы" жергілікті діни бірлестігінің жетекшісі Зелик Мурдухаев болса мұндай мереке тек тұрақты дамыған Қазақстан сияқты мемлекетте ғана тойланатынын тілге тиек етті. 

Жиналыс соңында қала әкімі конфессия басшыларына арнайы алғыс хат пен сыйлықтар табыстады.

Соңғы жаңалықтар

Фермерлер маманға зәру

Аймақтар • Бүгін, 12:24

Алматы-Мумбай әуе рейсі ашылады

Қазақстан • Бүгін, 12:06

Еліміздегі ең жас құсбегі

Қоғам • Бүгін, 06:05

Аққорған оқиғасы

Таным • Бүгін, 05:50

Ұлағатты ұстаз ұстыны

Руханият • Бүгін, 05:35

Талпақ танау да табыс көзі

Экономика • Бүгін, 05:00

Алып тиін төрге озды

Аймақтар • Кеше

18,6 миллионға жеттік

Қазақстан • Кеше

Ұқсас жаңалықтар