Әдебиет • 22 Қазан, 2019

«Аққу ақын» Атырауға келді

41 реткөрсетілді

Асылында, ақын атаулы құс текті. Шабыт қанатында шарықтайды, шырқау биікке шығады, ғаламды қиялымен кезеді. Сондықтан да болса керек, қазақ халқы талантты қыздарын құрметтеп, Фариза Оңғарсынованы – сандуғашқа, Ақұштап Бақтыгерееваны – шағалаға теңесе, Марфуға Айтқожинаны «аққу ақын» деп ардақтады. «Аққулы мекен, гәккулі мекен» Жайыққа бұрын-соңды жолы түспеген Марфуға Айтқожина Атырауда өткен шығармашылық кешінде ағынан ақтарылды. Болмысы да құс падишасы секілді бекзада ақын сахна төрінде шабыттана жыр оқыды.

– Атырау – ақындар мен батырлар елі. Талай дүлдүл өткен осы қасиетті топыраққа келу маған арман болды. Бүгін сол арма­нымның орындалған күні, – деді Мемлекеттік сыйлықтың иегері, Қазақстанның еңбек сіңір­ген қайраткері Марфуға Айтқожина.

«Ақ Еділ, асау Еділ, арындаған,

Құлшынып тағдыр күшке

жалынбаған.

Кемелденген кезеңде келіп тұрмын,

Жырға орап жүрегімді

жалындаған»,

– деп Еділді өлеңге қосқан ақынды Жайық жұрты да зор құрмет-қо­ше­метпен қарсы алады.

– Өңірімізде Елбасының «Бола­шаққа бағдар: рухани жаңғыру» бағдарламалық мақаласы аясында ақын-жазушылардың кештері жиі өтеді, – деді шараға қатысқан облыс әкімі Нұрлан Ноғаев. – Бұл кеш те сол үрдістің жалғасын тап­қаны­ның көрінісі. Марфуға апайдың әр өле­ңінде салмақтылық, парасат пен те­рең мағына бар. Өске­лең ұрпақты отан­­­­­сүйгіштік рухта тәрбиелеуде ақын шы­ғар­машылығының маңызы зор.

«Аққу ақын» өлең жазып қана қой­майды, сол өлеңдерге әуе­зді үн қосып, әнге айналды­рады. Қазақстанның ең­бек сіңірген қайраткерлері Мах­мұт Тойкенов пен Гүлзат Тәуір­бае­­ва­лар­дың Дина Нұр­пейісова атын­­дағы академиялық қазақ халық ас­пап­тар оркестрінің сүйемелдеуімен орындаған әндерін атыраулықтар ризашылықпен қабылдады.

– Қазаққа Марфуға Айтқо­жи­на­ны таныстырып жатудың өзі артық. Ресми атақ-даңқын айтпа­ғанда, ел-жұр­тының берген «Жыр аққуы» деген бағасы бәрінен биік. Сол биі­гіңізден аласармаңыз, – деді Қазақ­стан Жазушылар одағының хат­шысы Ғани Қалибек.

«Сыбырлап жатыр Жайықтың күміс толқындары, жағаңа келдім, жанымды сырға толтырғалы», деп өзіне ғана тән үнімен сахнаның сәнін келтірген Марфуға ақын Айт­қо­жи­на Атырау кешін көркем өлеңнің ке­рімсал самалымен тербеп кетті.

 

АТЫРАУ

 

Соңғы жаңалықтар

Тартымдылық тереңдей түспек

Аймақтар • Бүгін, 09:37

Жаңылтпаш жауаптар кімге қажет?

Аймақтар • Бүгін, 09:17

Қорғаныс-өнеркәсіп кешені

Қоғам • Бүгін, 07:59

Үздіктер марапатталды

Футбол • Бүгін, 07:57

Жастар жарады

Спорт • Бүгін, 07:51

Жерлестеріміз жоғарылады

Кәсіпқой бокс • Бүгін, 07:50

Фронт-кеңсе ашылды

Аймақтар • Бүгін, 07:31

Қоршаудан құтылған қала

Қоғам • Бүгін, 07:28

Анаға тағзым етіңдер!

Руханият • Бүгін, 06:57

Үмітіңді үзбе, үлескер...

Қоғам • Бүгін, 06:51

Ұлылар мұрасы – ұрпаққа өнеге

Аймақтар • Бүгін, 06:42

«Атыңнан айналайын, Әулие ата»

Руханият • Бүгін, 06:40

Ел ардағы – елу есім

Қоғам • Бүгін, 06:20

Он айдағы орнықты даму

Экономика • Бүгін, 06:17

Стратегиялық ықпалдастық артады

Парламент • Бүгін, 06:09

Миссия басшысымен кездесті

Үкімет • Бүгін, 06:08

Ұқсас жаңалықтар