Саясат • 31 Қазан, 2019

Гаагада Қазақстан-Нидерланды қарым-қатынастарын нығайту перспективалары талқыланды

33 реткөрсетілді

Қазақстан Премьер-министрі Асқар Маминнің Нидерландыға ресми сапары аясында Қазақстан Сыртқы істер министрінің орынбасары Роман Василенко Нидерланды Корольдігінің Сыртқы саяси ведомствосының басшылығымен және Бас Штаттар өкілдері Палатасының мүшелерімен бірқатар кездесулер өткізді. Бұл туралы СІМ баспасөз қызметі хабарлады.

Нидерланды сыртқы істер министрлігі Бас директорының саяси істер жөніндегі орынбасары Питер-Ян Клейвег де Зваанмен кездесу барысында тараптар елдер арасындағы сындарлы саяси диалогты атап өтіп, екіжақты ынтымақтастықтың алдағы перспективаларын талқылады.

Р. Василенко Қазақстан Нидерландыны Еуропадағы негізгі саяси және сауда-экономикалық серіктестердің бірі ретінде қарастыратынын атап өтті. Аса жоғары және жоғары деңгейдегі байланыстардың жоғары қарқыны, екі ел басшылары диалогының сенімді сипаты, сондай-ақ Қазақстан мен Нидерландының БҰҰ Қауіпсіздік Кеңесіне бір мезгілде мүше болуы барысындағы дипломаттардың өзара іс-қимылының оң тәжірибесі атап өтілді.

Ол Қазақстан Премьер-Министрінің сапары барысында қол қойылған ауыл шаруашылығы, тұрғын үй-коммуналдық шаруашылығы және жерді қашықтықтан зондтау салаларындағы ынтымақтастық туралы құжаттардың маңыздылығын атай отырып, «Корольдік Қазақстанға тікелей инвестициялардың жалпы көлемі бойынша «нөмір бірінші» инвестор болып табылады және бұл үрдіс жалғасын табады деп үміттенеміз», - деді.

Сонымен қатар, қазақстандық дипломат әріптестерімен Қазақстанның Нидерландыда «Kazakh Invest» АҚ еуропалық офисін ашу жөніндегі жоспарлары туралы ақпаратпен бөлісті.

Өз кезегінде, Нидерландтық тарап Қазақстанда жүргізіліп жатқан құқық үстемдігін одан әрі нығайтуға және бизнес үшін қолайлы жағдай жасауға бағытталған саяси және экономикалық реформаларды қолдайтынын атап өтті.

Ынтымақтастықтың қазіргі жоғары деңгейін ескере отырып, тараптар Қазақстан мен Нидерланды сыртқы саяси ведомстволары арасындағы саяси консультациялар форматында тұрақты байланыстарды қолдау маңызды деп келісті. Нидерланды СІМ Бас директорының орынбасары осындай келіссөздерді өткізу үшін жауапты сапармен Нұр-Сұлтанға келуге дайын екенін жеткізді.

Әңгімелесу барысында тараптар елдердің көпжақты форматтағы табысты өзара іс-қимылын және Нидерландының Қазақстан мен ЕО арасындағы Кеңейтілген әріптестік пен ынтымақтастық туралы келісімін ратификациялауын қанағаттана атап өтті. Дипломаттар ЕО-ның Орталық Азия бойынша жаңа стратегиясы шеңберіндегі ынтымақтастық перспективаларына, «Жусан» операциясы шеңберіндегі әскери іс-қимылдар аймақтарынан өз азаматтарын қайтарудың қазақстандық тәжірибесіне, сондай-ақ жаппай қырып-жою қаруын таратпау мәселелері бойынша өзара іс-қимылға ерекше назар аударды.

Қазақстандық тарап ағымдағы жылдың 26 қарашасында Гаагада өтетін «Әлем дәрігерлері ядролық соғысты болдырмау үшін» ұйымының Нидерландтық бөлімшесінің 50 жылдығы аясында өтетін «Ядролық қарудан азат әлемге шақыру» халықаралық конференциясына қатысуға дайын екендігін жеткізді.

Гаагада болу барысында Р. Василенко Нидерланды Корольдігі бас Штаттары өкілдері палатасының Халықаралық істер жөніндегі комитетінің мүшелерімен де кездесу өткізді.

Министрдің орынбасары елімізде болып жатқан ішкі саяси үдерістер және Қазақстан Президенті Қасым-Жомарт Тоқаевтың қыркүйек айындағы Қазақстан халқына Жолдауында атап көрсеткен басымдықтары туралы егжей-тегжейлі айтып берді.

Қазақстанның көпвекторлы дипломатиясы «Демократы 66» партиясынан депутат Шьорд Шьордсманың үлкен қызығушылығын тудырды, ол Қазақстан Премьер-Министрінің сапарын Қазақстан мен ЕО арасындағы өзара іс-қимылды нығайтудағы маңызды қадам ретінде атап өтті.

Еуропа Кеңесінің Парламенттік Ассамблеясында Нидерланды атынан өкілдік ететін «еркіндік пен демократия үшін» халықтық партиясынан депутат Энн Мюлдер парламентаралық ынтымақтастықты одан әрі кеңейтудің маңыздылығын атап өтті. Қазақстанның ЕҚЫҰ Парламенттік Ассамблеясы және Еуропа Кеңесі сияқты парламенттік институттармен өзара іс-қимылы мәселесі бөлек талқыланды. Нидерландтық заң шығарушылар осы парламентаралық құрылымдардың іс-шаралар аясында қазақстандық депутаттармен жиі кездесулер өткізуге, сондай-ақ елімізге сапармен келуге ниет танытты.

Сонымен қатар кездесу барысында Орталық Азиядағы өңірлік ынтымақтастық мәселелері, Қазақстанның ЕАЭО-ға және «Белдеу мен жол» бастамасына қатысуы, Ауғанстанды тұрақтандыруға қосқан еліміздің үлесі, сондай-ақ терроризм мен экстремизмге қарсы күрес мәселелері талқыланды.

Соңғы жаңалықтар

Ең қысқа әңгіме. Олжас Сәндібек

Ең қысқа әңгіме • Бүгін, 17:13

Ең қысқа әңгіме. Талғат Ешенұлы

Ең қысқа әңгіме • Бүгін, 17:09

Ең қысқа әңгіме. Нұрдәулет Қабасов

Ең қысқа әңгіме • Бүгін, 17:08

Ең қысқа әңгіме. Ғанибет Ғалымбекұлы

Ең қысқа әңгіме • Бүгін, 17:02

Ең қысқа әңгіме. Ермек Бегзада

Ең қысқа әңгіме • Бүгін, 16:56

Ең қысқа әңгіме. Нұрназар Түрікбен

Ең қысқа әңгіме • Бүгін, 16:41

Күлкі керуені № 15

Руханият • Бүгін, 09:53

Кішкене оқырмандарға естелік

Руханият • Бүгін, 07:26

Мәлік өнегесі – мәңгілік

Аймақтар • Бүгін, 07:21

Ойқала оғланы

Аймақтар • Бүгін, 07:18

Әлем кубогы кімге бұйырады?

Күрес • Бүгін, 07:10

Сан-Марино да гол салды

Футбол • Бүгін, 07:07

Сортаң жер шаруашылық соры

Экология • Бүгін, 06:57

Қаратау неге қаһарлы?

Қоғам • Бүгін, 06:32

Ұқсас жаңалықтар