Аймақтар • 08 Қараша, 2019

БҚО әкімінің жаңа орынбасары тағайындалды

25 реткөрсетілді

Президент Әкімшілігі келісімімен Тимуржан Әдиетұлы Шәкімов Батыс Қазақстан облысы әкімінің орынбасары болып тағайындалды деп хабарлады ҚазАқпарат.



Облыс әкімінің баспасөз қызметінен түскен мәліметке қарағанда, Тимуржан Әдиетұлы 1962 жылы дүниеге келген. Білімі жоғары. А.Микоян атындағы Куйбышев инженерлік-құрылыс институтын инженер-құрылысшы мамандығы бойынша бітірген.

Еңбек жолын Камен (қазір Тасқала) ауданындағы Ленин атындағы кеңшарда құрылыс учаскесінің шебері, прорабы қызметтерінен бастады. Әр жылдары «Казторгстрой» тресі Орал құрылыс учаскесінің бас инженері, БҚО инфрақұрылым және құрылыс басқармасының басшысы – бас сәулетші, Индустрия министрлігі Құрылыс және тұрғын үй-коммуналдық шаруашылық істері комитеті басқармасының басшысы, Батыс Қазақстан және Атырау облысы әкімдерінің орынбасары болды.

Жаңа орынбасар энергетика, тұрғын үй-коммуналдық шаруашылығы, сәулет және құрылыс, жолаушылар көлігі және автомобиль жолдары салаларына жетекшілік ететін болады. Бұған дейін облыс әкімінің орынбасары қызметін атқарған Бағдат Азбаев өз еркімен жұмыстан босап, елордалық ірі компаниялардың бірі – «Астана Тазалық» ЖШС-ның басшысы қызметіне ауысты.



Соңғы жаңалықтар

Күлкі керуені № 16

Руханият • Кеше

Ақынға арналған күн

Руханият • Кеше

Баспанамен қамтитын басты құжат

Бағдарламалар • Кеше

Болмысы бүтін Бағаев

Руханият • Кеше

Ұқсас жаңалықтар