Ал «Болат Нұржанов атындағы Екібастұз ГРЭС-1» ЖШС – «Самұрық-Энерго» электр-энергетикалық холдингінің еншілес компаниясы ел нарығына электр энергиясын жеткізушілердің бірі.
Биыл кәсіпорынның жұмыс қуаттылығы 1 892 МВт-ты құраса, 6 энергия блогы бір мезетте қосылған кезде көрсеткіш 3 028 МВт-қа жеткен.
Соңғы төрт айда 6,448 млрд кВт сағат электр энергиясы өндірілген. Стансада №4 ,№5 №7, №8-ші энергия блоктарында күрделі жөндеу аяқталды.
Ал №3 энергия блогында күрделі жөндеу жалғасуда.
Сондай-ақ қысқы кезеңге дайындық жұмыстарына жаңартылатын энергия көздерін пайдаланатын нысандар мен энергия беруші ұйымдар да қатысуда.
Әзірлік паспорты-энергия өндіретін және энергия беретін ұйымдардың күзгі-қысқы жағдайда жұмыс істеуге дайындығын растай отырып, жыл сайын берілетін құжат.
Энергия нысандарының дайындығын бақылауды Энергетика министрлігінің «Атомдық және энергетикалық қадағалау мен бақылау комитеті» мемлекеттік мекемесі іске асырады.
