Спорт • 18 Қараша, 2019

Теннис: Бүгін Дэвис кубогы басталады

30 реткөрсетілді

Бүгін Испанияның бас шаһары – Мадридте теннистен Дэвис кубогы жолындағы жарыс басталады. 24 қарашаға дейін созылатын айтулы жарыста әлемнің ең үздік 18 командасы бақ сынайды.

Байрақты бәсекеде Қазақстанның туы астында Александр Бублик, Михаил Кукушкин, Александр Недовесов және Андрей Голубев өнер көрсетеді. Алғашқы екеуі әлемдік рейтингте 57 және 67 орындарды иеленуде. Бұл – жерлестеріміздің арасындағы әзірге ең үздік көрсеткіш. Сол себепті Бублик пен Кукушкин жекелеген сайыстарда күш сынасады. Ал Недовесов пен Голубев жұптық бәсекеде шеберлік байқасады. Сондай-ақ, Пиреней түбегіне сапар шегетіндер қатарында қосалқы құрамдағы Дмитрий Попко бар. Бұл күндері ол  АТР рейтингінде 187 сатыға жайғасты.

Естеріңізге сала кетейік, биылғы жылдан бастап Дэвис кубогы жаңа форматта өтеді. Алты топқа бөлінген 18 команданың арасынан үздік шыққан сегізі ширек финалға жолдама алады.

Мадридте Қазақстанның теннисшілері Голландия мен Ұлыбритания құрамаларына қарсы ойнайды. Тұсаукесер кездесуді жерлестеріміз ертең Нұр-Сұлтан уақыты бойынша сағат 16:00-де Қызғалдақтар елі өкілдеріне қарсы өткізеді.

Соңғы жаңалықтар

Таразда су тарифі көтеріледі

Аймақтар • Бүгін, 16:40

Ауыр атлеттер Катарға аттанады

Ауыр атлетика • Бүгін, 12:08

Жақсы ауданындағы жақсы істер

Аймақтар • Бүгін, 11:49

Көпбалалыларға көмек

Аймақтар • Бүгін, 11:41

Күлкі керуені № 22

Руханият • Бүгін, 09:45

Фариза ақынның ұстазы

Руханият • Бүгін, 07:41

Армениямен ынтымақтастық дамиды

Парламент • Бүгін, 07:37

Ұқсас жаңалықтар