Жастардың думанды кешіне Қарағанды облысы әкімінің орынбасары Абзал Нүкенов пен Қазақстан КТК одағының президенті Есен Елеукен құрметті қонақ ретінде қатысты.
«Жайдарман» фестивалінде 11 команда бақ сынады. Қазылар алқасының шешімімен бірінші жүлдеге әдемі әзілімен, тауып айтқан қалжыңымен, әртістік шеберліктерімен ерекшеленген «Күлкі синдромы» командасы лайықты деп танылды. Екінші және үшінші жүлдеге, сәйкесінше, «Агро» ұжымы мен Сәтбаев қаласының құрама командасы ие болды.
Жеңімпаз және жүлдегер командаларға кубок, диплом және ақшалай сертификаттар табыс етілді.
