Қаралы жиынға марқұмның жақындары, шәкірттері, зиялы қауым өкілдері, Алматы қаласының әкімі Бақытжан Сағынтаев қатысты.
«Сұлтан Сартаевтың Қазақстан мемлекеттілігінің қалыптасуына қосқан үлесі шексіз. Ол құқық қорғау, заң жүйесінде өлшеусіз еңбек етіп, өте дарынды, білікті мамандар дайындады» деді қала әкімі қаралы жиында.
Еске салсақ, танымал ғалым, Қазақстан Ғылым академиясының академигі Сұлтан Сартаевтың дүниеден өтуіне байланысты Елбасы мен Президент оның отбасы мен жақындарына көңіл айту жеделхаттарын жолдаған болатын.
