Аймақтар • 21 Желтоқсан, 2019

Шымкентте есірткіге қарсы акция өтті

13 рет көрсетілді

Шымкенттегі Мұз сарайында қалалық салауатты өмір салтын қалыптастыру орталығы мен ішкі істер департаментінің есірткіге қарсы күрес басқармасының бірге ұйымдастырумен акция өтті. Бұл туралы қала әкімдігінің баспасөз қызметі хабарлады.

Ақпараттық іс-шара барысында нарколог-дәрігерлер тұрғындарды қабылдап, мамандар есірткінің зияны және есірткіге қарсы күрес басқармасы қызметкерлерінің атқарылып жатқан жұмысы туралы баяндады.

Акцияға келген тұрғындар қалалық №8 қысқы спорт түрлерінен олимпиада резервінің мамандандырылған балалар мен жасөспірімдер спорт мектебінің спортшыларының өнерін тамашалады. Спортшылар мұз айдынында мәнерлеп сырғанап, шорт-трек әдіс-тәсілдерін көрсетті.

Конценрттік бағдарлама соңында жас шайбашылар сайысып, қала тұрғындарына ерекше ойын өрнегін көрсетті.

Ал акция соңында қалалық салауатты өмір салтын қалыптастыру орталығының өкілдері мұз айдынында өнер көрсеткен таланатты жастарға түрлі сыйлықтар тарту етті.

Соңғы жаңалықтар

Абайды танытқан абыз тұлға

Қазақстан • Бүгін, 12:47

Ел жүрегі – елорда

Аймақтар • Бүгін, 11:53

Ұқсас жаңалықтар