Үкімет • 17 Қаңтар, 2020

Тоқыма кластерін қалпына келтіруге жасалған қадам

13 реткөрсетілді

Премьер-Министрдің орынбасары Роман Скляр Шымкент қаласына сапары кезінде өткізу қабілеті сағатына 2000 жолаушыны құрайтын Шымкент әуежайының жаңа терминалының құрылысымен танысты.

Ондағы құрылыс-монтаж жұмыстарының бірінші кезеңі аяқталғанын жеткізген жауапты мамандар екінші кезең­нің құрылысын «Альянс Кон­тракт Құрылыс» ЖШС жүзе­ге асыратынын тілге тиек етті. Қазіргі таңда құрылыс-мон­таж жұмыстары 2 ауысымда жүр­гізіліп, 115 жұмысшы, 10-ға жуық арнайы техника тартылған. Жаңа терминалдың құрылысын осы жылдың қазан айында аяқ­тау көзделген.

Тұңғыш Президент – Елбасы Нұрсұлтан Назарбаевтың және Мемлекет басшысы Қасым-Жомарт Тоқаевтың Шымкент қаласын дамыту жөніндегі тапсырмаларының орындалуын пысықтау мақсатында келген вице-премьер одан әрі тоқтап тұрған «Меланж» АҚ тоқыма фабрикасының және бұрынғы «Ютекс» АҚ тігін фабрикасын іске қайта қосу барысындағы атқарылып жатқан жұмыстарымен танысты. Айта кетерлігі, бұл кәсіпорындардың мүлік меншігі «Қазақстанның инвестициялық қоры» АҚ-ға тиесілі.

Елімізде жеңіл өнеркәсіпті дамытуға ерекше көңіл бөлініп келе жатқанын айтқан Үкімет басшысының орынбасары үшінші мегаполисте шағын кәсіпкерлікті көптеп қолға алу керегін айтты.

Естеріңізге сала кетейік, 2019 жылғы 21 маусымда Таш­кент қаласында қол қойылған Қазақ­стан мен Өзбекстан арасындағы екіжақты ынтымақтастық жө­ніндегі бірлескен үкіметаралық комиссияның 18-отырысының хаттамасына сәйкес, екі ел арасындағы тауар айналымын өзара ұлғайту бойынша ұсы­ныстар әзірлеу жөніндегі жұмыс тобы шеңберінде көрші­лес Өзбекстан тарапымен бір­лескен тоқыма кластерін құру мәселесін қарастыру қажеттігі жайлы келісімге қол жеткізілген болатын. Хаттаманы орындау үшін «Қазақстанның ин­вестициялық қоры» АҚ мен Өзбекстанның «Alliance Textile» жеңіл өнеркәсіп кәсіпорындары қауымдастығы арасында өткен жылдың 22 маусымында стратегиялық ынтымақтастық туралы шекті келісім жасалды. Кейіннен тараптар Шымкент қаласында орналасқан меншік құқығындағы аталған қорға тиесілі тоқыма фабрикаларын басқару жөніндегі жол картасын әзірледі. Осы жол картасын орындау барысында «ALLIANCE» сауда-өндіріс ком­паниясы» ЖШС бірлескен кәсіп­орны құрылды. Жол картасы шеңберінде жөндеу-қалпына келтіру жұмыстарының тізімі, оны орындау және тоқыма фабрикаларын іске қосу мерзімдері анықталды. Оған қоса қажетті қосалқы бөлшектер сатып алы­нып, техникалық аудит жүргі­зіледі. Жол картасының 1-кезең­інде 7 жыл бойы тоқтап тұрған «ALLIANCE» сауда-өндіріс компаниясы» ЖШС (бұрын­ғы «Ютекс» АҚ) жіп иіру фаб­рикасы 2019 жылғы 5 желтоқ­санда іске қосылып, 120 адам жұмыспен қамтылды. Екінші кезеңде «Ютекс» АҚ тігін фабрикасын биылғы мамыр айын­да, ал бұрынғы «Меланж» АҚ ағымдағы жылдың желтоқ­са­нында қайта іске қосу жоспар­ланған.

Шымкент қаласының әкімі Ерлан Айтахановтың айтуынша, жол картасының жүзеге асырылуы, тоқыма кәсіпорындарының қайта іске қосылуы үшінші мегаполис үшін өте маңызды. Бү­гінде әкімдік тарапынан өндірісті іске қосуға және кәсіп­керлікке мейлінше қолдау көр­сетіліп, инфрақұрылымын қалпына келтіру (электрмен, сумен жабдықтау және су бұру жүйелеріне қосу) жұмыстары қарқынды жүруде.

Аталған фабрикаларды іске қосу Шымкентте тоқыма кластерін қалпына келтіруге жол ашады. Бұл елімізде өңделетін мақта көлемінің 2 есеге өсуін қамтамасыз етіп, 800 адамды жұмыспен қамтуға септігін тигізеді.

 

ШЫМКЕНТ

 

Соңғы жаңалықтар

Келелі келісім кепілі

Саясат • Бүгін, 07:34

Жаңалығы көп жаңа жоба

Аймақтар • Бүгін, 07:29

Ел қоржынына кезекті жолдама түсті

Жеңіл атлетика • Бүгін, 07:09

Финалда есе жіберді

Теннис • Бүгін, 07:05

Қарасазға ақпанда аққу қонды

Аймақтар • Бүгін, 06:45

Есқараның Таня – Тана әжесі

Руханият • Бүгін, 06:40

Алаштың ұясынан ұшқан ғалым

Руханият • Бүгін, 06:35

Қажымұқанның қос қанаты

Таным • Бүгін, 06:35

Таным мен тағылым

Абай • Бүгін, 06:30

«Пайда ойлама, ар ойла»

Сұхбат • Бүгін, 06:15

Газдан туған «наз»

Руханият • Бүгін, 06:10

Қауіпті су қоймалары

Қоғам • Бүгін, 06:05

75 күймен рекорд жаңартты

Руханият • Кеше

Ұқсас жаңалықтар