Қоғам қайраткері Камал Бұрханов өмірден озды

Руханият • 21 Қаңтар, 2020

Қоғам қайраткері Камал Бұрханов өмірден озды

Бұл жайында Сенат депутаты Мұрат Бақтиярұлы Facebook парақшасында бөлісті.

«Жалған өмірай... Ұстазым, досым, әріптесім Камал Бұрханов дүниеден озыпты. Соңғы екі жыл төсек тартып жатып калған еді. Мағрипа жеңгем колдан келгенше барлығын жасады. Амал нешік, бәрі бір жаратқанның қолында. Бақұл бол адал дос. Жаның жәннатта болғай Камал аға!» деп жазды Мұрат Бақтиярұлы.

Ғалым, саясаттану ғылымдарының докторы, профессор Камал Низамұлы Бұрханов Камал Низамұлы 1954 жылы дүниеге келген.

1977 жылы Ташкент университетін, 2003 жылы Мәскеу мемлекеттік әлеуметтік университетін бітірген. 1977– 1978 жылдары Ә.Қастеев атындағы өнер музейінде ғылыми қызметкер, 1978–1979 жылдары Ш.Уәлиханов атындағы Тарих, археология және этнография институтында аға лаборант, 1979–2002 жылдары ҚазМУ-де (қазіргі ҚазҰУ) аға лаборант, ассистент, аға оқытушы, доцент, профессор, деканның орынбасары, тарих факультетінің саяси тарих кафедрасының меңгерушісі, тарих факультетінің деканы, философия және саясаттану факультетінің деканы, саясаттану кафедрасының меңгерушісі болып істеді.

2002–2004 жылдары Абай атындағы Алматы Мемлекеттік университетінің (қазіргі ҚазҰПУ) заң факультетінің деканы, 2004–2006 жылдары Президент Әкімшілігінде бас эксперт, 2006–2007 жылдары Ш.Уәлиханов атындағы Тарих және этнология институтының директоры қызметтерін атқарды.

2007-2011 жылдары - ҚР IV сайланған Қазақстан Республикасы Парламенті Мәжілісінің депутаты, Халықаралық істер, қорғаныс және қауіпсіздік комитетінің мүшесі.

2012 жылғы қаңтардан бастап - V сайланған Қазақстан Республикасы Парламенті Мәжілісінің депутаты, Әлеуметтік-мәдени даму комитетінің мүшесі. «Нұр Отан» ХДП партиялық тізімі бойынша сайланған.

Камал Бұрханов – қазіргі заманғы Қазақстан тарихы және саясаттану ғылымы бойынша республикадағы жетекші мамандардың бірі. 40 астам ғылыми жұмыстардың, кітаптардың, мақалалар мен оқу құралдарының авторы. Бірнеше медальдармен марапатталған.