Қазақстан • 21 Қаңтар, 2020

Қазақстан Берлиндегі халықаралық азық-түлік көрмесіне қатысып жатыр

21 реткөрсетілді

Ауыл шаруашылығы министрлігінің бірінші вице-министрі Айдарбек Сапаров бастаған қазақстандық делегация Берлинде өткен International Green Week 2020 халықаралық азық-түлік көрмесінің ашылу рәсіміне қатысты. Бұл туралы министрліктің баспасөз қызметі хабарлады.

Делегация құрамына Ауыл шаруашылығы министрлігінің, Ақмола, Солтүстік Қазақстан және Қарағанды облыстары әкімдіктерінің өкілдері кірді.

Іс-сапар аясында А.Сапаров Германияның Федералдық Азық-түлік және ауыл шаруашылығы министрлігінің парламенттік статс-хатшысы Уве Фейлермен, ГФР Ауыл шаруашылығы министрлігінің (BMEL) өкілдерімен, Эстония, Румыния және Монғолия Ауыл шаруашылығы министрлерімен, Германия фермерлері қауымдастығының басшысымен, сондай-ақ, CLAAS компаниясы және «Қазақстан-Герман аграрлық-саяси диалог» екі жақты кооперациялық жобасының жаңа құрамымен кездесулер өткізді.

Уве Фейлермен кездесу барысында екі ел арасындағы сүтті мал шаруашылығын дамыту бағытындағы ынтымақтастықты арттыру және Қазақстанға инвестициялар мен жаңа технологияларды тарту мәселелері қозғалды.

«Біз неміс компанияларымен, олардың ішіндегі біз үшін негізгі серіктес болып отырған CLAAS компаниясы өкілдерімен бірқатар кездесу өткіздік. Қазір Қазақстанда Германиямен бірлескен кәсіпорын ашу жұмыстары жүргізілуде. Бұл жұмыстарды жеделдету қажет. Неміс концерні өкілдерімен кездесу қорытындысы бойынша аталмыш компания өкілдерінің Қазақстанға келіп, ауыл шаруашылығы саласына жетекшілік ететін Премьер-Министрдің орынбасарымен кездесу өткізетіні туралы келістік», - деді Айдарбек Сапаров.

п
А.Сапаровтың айтуынша, қазақстандық ауыл шаруашылығы тауарларын өндірушілерге Германиядағы сүтті мал шаруашылығын дамыту тәжірибесі, фермаларды басқарудағы менеджмент, заманауи кешенді жүйелерді пайдалану және өзге де салаларда тәжірибе алмасу пайдалы болады.

Сондай-ақ ол ГФР Ауыл шаруашылығы министрлігі өкілдерімен кездесуінің қорытындысы бойынша Германиядағы соңғы заманауи технологиялар мен роботтар енгізілген шаруа қожалықтарына және сауу қондырғыларын шығаратын зауыттарға барып көру арқылы тәжірибе алмасу мүмкіндігіне қол жеткізгендігі туралы айтты.

Халықаралық көрме жоғары деңгейде ұйымдастырылғанын айта келе, Айдарбек Сейпелұлы келесі жылы Қазақстан көрме аясында өз павильонын ұсынып, үздік қазақстандық ауыл шаруашылығы өнімдерін көрсету жоспарланып отырғанын жеткізді.

Өз кезегінде Германияның Федералдық Азық-түлік және ауыл шаруашылығы министрлігінің парламенттік статс-хатшысы Уве Фейлер қазақстандық тарапқа көрмеге қатысуға шақыруды қабыл алғаны үшін алғысын білдірді.

«Өткен жылдың желтоқсан айында министр Сапархан Омаровпен кездестік. Бізде толық өзара түсіністік пайда болды. Қазір осы бағыттағы бастаған жұмысты тиімді жалғастыру маңызды. Біздің министрлік барлық сұрақтарыңыз бен ұсыныстарыңызға әрқашан жауап беруге дайын», - деді Уве Фейлер.

«International Green Week 2020» азық-түлік өнеркәсібі, бағбандық, ауыл және орман шаруашылығының халықаралық сауда көрмесі биыл 85-ші рет өткізілуде. Осы жылғы көрмеге 72 ел мен 11 халықаралық ұйым қатысты.
Соңғы жаңалықтар

Келелі келісім кепілі

Саясат • Бүгін, 07:34

Жаңалығы көп жаңа жоба

Аймақтар • Бүгін, 07:29

Ел қоржынына кезекті жолдама түсті

Жеңіл атлетика • Бүгін, 07:09

Қарасазға ақпанда аққу қонды

Аймақтар • Бүгін, 06:45

Есқараның Таня – Тана әжесі

Руханият • Бүгін, 06:40

Алаштың ұясынан ұшқан ғалым

Руханият • Бүгін, 06:35

Қажымұқанның қос қанаты

Таным • Бүгін, 06:35

Таным мен тағылым

Абай • Бүгін, 06:30

Финалда есе жіберді

Теннис • Бүгін, 06:20

«Пайда ойлама, ар ойла»

Сұхбат • Бүгін, 06:15

Газдан туған «наз»

Руханият • Бүгін, 06:10

Қауіпті су қоймалары

Қоғам • Бүгін, 06:05

75 күймен рекорд жаңартты

Руханият • Кеше

Ұқсас жаңалықтар