Айтулы жарыстың алғашқы айналымда жерлесіміз румыниялық Сорана Кырстяны үш сеттік сайыста ол 3:6, 6:3, 6:1 есебімен ұтты. Келесі кезеңде бельгиялық Алисон ван Эйтванктан басым түсті – 5:7, 6:2, 7:6. Үшінші айналымда Еленаның жолы әлемнің бірінші ракеткасы, аустралиялық Эшли Бартимен қиысуға тиіс еді.
Жанкүйерлер бұл бәсекені тағатсыздана күтті. Себебі, дәл осы теннисші биыл өткен Аустралияның ашық біріншілігінің үшінші айналымында жерлесімізді жарыс жолынан шығарып тастаған болатын. Мельбурнде кеткен есені Рыбакина Дохада қайтаратын шығар деп үміттенді. Бірақ қазақстандық ойыншы жарақатына байланысты турнирді ары қарай жалғастырудан бас тартты.
