Хоккей • 28 Ақпан, 2020

Чернышев дивизионында топ жарды

14 реткөрсетілді

Құрлықтық хоккей лигасының (ҚХЛ) соңғы тур ойынын сырт айдында өткізген елорданың «Барыс» клубы жеңіске жете алмады.

Турнирді жеңіліспен бастаған «Барыс» соңғы турда да жанкүйер­лерін қуантпады. Хабаровскіге қонаққа барған жерлестеріміз жергілікті «Амур» клубымен кездесіп, 5:0 есебімен айдын иелеріне жол берді. Дегенмен ойын нәтижесі «Барыстың» турнир кесте­сіндегі орнына кері әсерін тигізген жоқ.

ҚХЛ қорытындысы бойынша, Андрей Скабелка шәкірттері тұрақты біріншіліктің Шығыс конференциясындағы турнир кес­тесінде 84 ұпаймен екінші орынды иеленді. Көш басындағы «Ак Барс» (Қазан) клубынан 9 ұпай қалып қойды. Сондай-ақ Чернышев дивизионында екінші жыл қатарынан бірінші орын иеленгенін айта кетейік. Ал жалпы ҚХЛ қорытындысында жерлестеріміз төртінші орыннан көрінді. Енді «Барыс» ойыншылары Гагарин кубогының плей-офф кезеңінде Шығыс конференциясында 7-орын иеленген Магнитогорскінің «Металлург» командасымен кездеседі.

Алғашқы екі ойын 1 және 3 наурыз күндері Нұр-Сұлтанда, қарымта матч 5 және 7 наурызда Магнитогорскіде өтеді. Плей-офф ережесіне сәй­кес, келесі кезеңге 4 рет жеңіске жеткен команда шығады.

 

 

Соңғы жаңалықтар

Сақтық шараларын сақтау маңызды

Коронавирус • Бүгін, 13:08

Туризм дамысын десек...

Қазақстан • Бүгін, 12:55

Туризмнің тұралаған тұстары көп

Қазақстан • Бүгін, 12:46

Итаяқпен ас ішкен әйел

Руханият • Бүгін, 10:30

Ұқсас жаңалықтар