Қабылдауға 200-ге жуық қала тұрғыны келіп, өздерін толғандырып жүрген өзекті мәселелер жайлы айтып, өтініш-тілектерін жеткізді.
Қала басшысы әр тұрғынның мәселелерін жеке тыңдап, жауапты сала басшыларына тиісті тапсырма берді. Тұрғындардың басым бөлігінің мәселелері дер кезінде шешімін тапты.
Жалпы қала әкімі былтыр 5 мыңға жуық тұрғынды қабылдаса, биыл жыл басынан бері қоғамдық қабылдау 3 мәрте өткізілген.
Осы орталықта әр айдың соңғы бейсенбісі күні өтетін қоғамдық қабылдаудан бөлек, апта сайын бекітілген кестеге сәйкес және күнделікті қажеттілікке қарай тұрғындармен кездесу ұйымдастырылып келеді.
«Ашық әкімдік» жобасы аясындағы мұндай шаралар қалаға қарасты 9 кент, ауылдық округтер мен қаланың ірі аудандарында тұрақты ұйымдастырылады.
