Кеше Тайынша ауданы медициналық мекемелерінің осындай қызметтерге қол жеткізу деңгейі қандай екендігі БАҚ өкілдеріне көрсетілді. Соның ішінде журналистер Тайынша аудандық көпбейінді ауруханасына барды. Мұнда КТ және томография қызметтерінің сырқаттарға қалай жасалатындығы журналистерге таныстырылды. Пациенттер мамандарға өздерінің ризашылығын білдіріп жатты. Ауылдық ауруханада осындай қызметтердің көрсетілетіндігі оларды үлкен қалаларға бару мұқтаждығынан құтқарып, бәленбай мың теңгесін үнемдеп қалатындығы белгілі болды. Осының бәрі медициналық-әлеуметтік міндетті сақтандырудың арқасында қол жеткізіліп отырған жетістік екендігі айтылды. «Біз қазір тіпті паллиативтік көмекті де жасай аламыз. Соның өзіне де қол жеткізіп отырмыз. Жаңадан ашылған орын сырқаты қауіпті науқасты түні бойы бақылауға мүмкіндік береді», дейді аурухананың бас дәрігері Анатолий Рафальский.
Биыл республика бойынша паллиативті көмекке 3 млрд теңге бөлінген болса, соның 179 млн теңгесі Солтүстік Қазақстанның үлесіне тиген екен.
Солтүстік Қазақстан облысы
