Бокс • 11 Наурыз, 2020

Бүгін бокстан құрлықтық іріктеу турнирінің финалдық кезеңі өтеді

297 рет
көрсетілді
1 мин
оқу үшін

Бокстан Амманда құрлықтық іріктеу турнирі жалғасуда. Бүгін, 11 наурызда Иордания жерінде спортшылар алтын жүлде үшін барын салады. Осыған орай, Olympic.kz назарларыңызға қазақстандық боксшылардың финалдағы қарсыластарын ұсынады.

Бүгін бокстан құрлықтық іріктеу турнирінің финалдық кезеңі өтеді

Олимпиадаға құрлықтық іріктеу турнирінің финалына Қазақстан ұлттық құрамасынан төрт боксшы жолдама алды.

63 келіге дейінгі салмақта Зәкір Сафиуллин өзбекстандық Елнұр Әбдірайымовпен кездеседі.

75 келіге дейінгі жұдырықтасатын Әбілхан Аманқұлдың қарсыласы -  Эумир Марсьяль (Филиппин) болмақ. 2019 жылғы әлем чемпионы Бекзад Нұрдәулетов (81 келі) Пауло Аукусомен (Австралия) алтынды сарапқа салады.

Рио Олимпиадасының күміс жүлдегері Василий Левит (91 келі) Жаңа Зеландия өкілі Давид Ниикамен қолғап түйістіреді. Сондай-ақ, 52 келідегі Сәкен Бибосынов күндізгі сессияда лицензия алатын соңғы мүмкіндігін пайдаланып көрмек.