Технология • 12 Наурыз, 2020

SANTO Арыстағы аурухананы медициналық құралдармен жабдықтады

22 реткөрсетілді

Еліміздегі SANTO компаниясы Арыс қаласының орталық аудандық ауруханасына заманауи медициналық жабдықтарды табыстады.

Естеріңізге салып өтсек, өткен жылы жазда Түркменстан облысының Арыс қаласында әскери бөлімнің қоймалық орындарында оқ-дәрілер атылып, олардың өртенуі салдарынан бұл мекендерде төтенше жағдай орын алған еді. Жарылыстардың нәтижесінде елді-мекендегі бірнеше тұрғын үй мен әлеуметтік нысандарға зиян келтіріліп, 45 мыңға жуық адам қаладан шығарылды. Қазақстандықтар Арыстағылардың қайғысына немқұрайлы қарамай, елдің түкпір-түкпірінен жапа шеккендерге гуманитарлық көмегін жіберді. Басқа аймақтарда тұратын құрылысшылар аз уақыттың ішінде қаладағы бұзылған үйлерді қалпына келтіріп берді.  

Арыстағы қайғыға көңіл бөлгендердің арасында SANTO компаниясының қызметкерлері де болды: олар бір күндік жалақысын аударып, қала тұрғындары үшін бірінші қажеттілік заттарын, соның ішінде жеке гигиена құралдарын жинап берді. Сондай-ақ компания зардап шеккендерге көмек ретінде төтенше жағдай кезінде жедел жәрдем көрсету үшін қажет болатын дәрі-дәрмектер, атап айтқанда, ауруды басатын дәрілер, кардиопрепараттар, антибиотиктер беріп жіберді.

«Бұл жағдай елде жеке фармацевтикалық өндірістің болғаны қаншалықты маңызды екенін көрсетті, – деп айта кетті SANTO бас директоры Ижи Урбанец. – Өйткені төтенше жағдай болған кездерде адамдардың тезірек емделуі ең алдымен дәрі-дәрмектердің қолда болуына байланысты. Төтенше жағдайларда дәрі-дәрмектермен дер кезінде қамтамасыз ету біздің тәуелсіздігіміз бен қауіпсіздігіміздің кепілі».

2019 жылдың соңына қарай SANTO компаниясы Арыс қаласына орталық аудандық ауруханаға қазіргі заманғы медициналық жабдықтар да – автоматтық гематологиялық анализатор, 7 инфузиялық бір арналы сорғыш, 2 оптикалық-полярланған плантоскоп, 7 медициналық сорғыш және 2 дефибриллятор жеткізіп берді.

«Халқымыздың қиындыққа ұшырағандарға асармен көмектесетін жақсы бір дәстүрі бар. SANTO компаниясы да арыстықтарға дәрі-дәрмектермен, аурухана үшін медициналық жабдықтармен тегін әрі баға жетпес көмек көрсетті. Бұл бизнестің әлеуметтік жауапкершілігінің, қиын жағдайға душар болған адамдарға қарайласудың лайықты үлгісі», - деді Қазақстан Республикасы Денсаулық сақтау министрлігінің Тауарлар мен қызметтердің сапасы мен қауіпсіздігін бақылау комитетінің төрайымы Людмила Бюрабекова.

Соңғы жаңалықтар

Ұқсас жаңалықтар