Футбол • 13 Наурыз, 2020

Коронавирус: Қазақстан футбол федерациясы спорттық іс-шараларды тоқтатты

103 реткөрсетілді

Қазақстан футбол федерациясы COVID-19 коронавирус инфекциясының таралуына байланысты футбол, футзал, әйелдер футболы, балалар мен жасөспірімдер, бұқаралық футбол, ардагерлер арасында жарыстарды, сонымен қатар, білім беру семинарлары мен әртүрлі форумдарды өткізуді тоқтату жөнінде шешім қабылдады. Бұл туралы Қазақстан футбол федерациясының баспасөз қызметі хабарлады.

«Премьер-лига командалары арасындағы OLIMPBET-Қазақстан Чемпионаты мен Қазақстан Республикасының Кубогының ойындары күнтізбеге сәйкес өтеді. Алайда, жанкүйерлер үшін стадиондардың есігі жабық болады. 

OLIMPBET-Қазақстан Чемпионаты мен Қазақстан Республикасының Кубогының ойындарына жарысқа қатысушылармен қатар, ресми тұлғалар мен стадион қызметкерлері қатысады. 

Ойындарға БАҚ өкілдері де қатыспайды. Тек көрсетілім жұмыстарымен айналысатын арнайы топ жұмыс істейді.  

Профилактикалық шараны тоқтату жөнінде қосымша хабарланады» делінген хабарламада.

Соңғы жаңалықтар

iPhone 12 Pro рендері шықты

Технология • Кеше

Ұқсас жаңалықтар