Қоғам • 13 Наурыз, 2020

«Қайда екенін білеміз»: Коронавирус жұқтырған азаматтармен бір бортта болған жолаушылар карантинге жатқызылады

713 рет
көрсетілді
1 мин
оқу үшін

Денсаулық сақтау министрі Елжан Біртанов коронавирус жұқтырған Қазақстан азаматтарымен бір бортта болған жолаушылар карантинге жатқызылатынын хабарлады.

«Қайда екенін білеміз»: Коронавирус жұқтырған азаматтармен бір бортта болған жолаушылар карантинге жатқызылады

«Бұдан бұрын мәлімдегеніміздей, елімізде коронавирус тіркелген жағдайда Үкімет жанындағы ведомствоаралық комиссия тиісті іс-шаралар жоспарын бекіткен еді. «Б» жоспары бүгін күшіне енді. Бірінші пациент 9 наурызда, екіншісі 12 наурызда келген. Олардың кім екенін жариялай алмаймыз. Бір ер адам мен бір әйел. Екеуі де Қазақстанға ұшақпен келген. Бортта коронавирусты жұқтырғандармен бірге болғандардың бәрі де карантинге жатқызылады. Яғни, 9 наурызда бірге ұшқан 73 адамның кім екені анықталды. Олар бақылауда. Қайда екенін білеміз. Карантинге жатқызу шараларына кірістік. Олар ауру адамдар емес», - деді Е. Біртанов.

Сондай-ақ министр бортта екі қазақстандықпен ұшып келген жолаушылардың тізімі бар екенін айтты. 12 наурызда келген ұшақтағы 12 азамат қазіргі таңда карантинде жатыр.

Еске сала кетсек, бұған дейін Денсаулық сақтау министрі Елжан Біртанов Қазақстанның екі азаматынан коронавирус инфекциясы табылғанын мәлімдеген еді.