«Бұл ретте мал шаруашылығының жалпы өнім көлемі 4 пайызға артып, өсімдік шаруашылығының өнімі 2019 жылдың қолайсыз ауа райына байланысты 1.7 пайызға төмендеді. Ауыл шарушылығының негізгі капиталына салынған негізгі инвестициялар 41.1 пайызға артып, 501.6 млрд тенгені құрады. Агроөнеркәсіп өнімдерінің экспорт 6.4 пайызға ұлғайып, 3.3 млрд АҚШ долларын құрады. Егін жинау қорытындылары бойынша 17.4 млн тонна астық бастырылды. Бұл 2018 жылдың деңгейінен 2.9 млн тоннаға аз. Бүгінгі күні республика бойынша қолда 12 млн тонна астық, оның ішінде 7.8 тонна бидай бар, астықты ішкі тұтыну көлемі бірінші шілдеге дейін шамамен 5.8 тонна ал бидай 3.8 тоннаны құрады», - деді Сапархан Омаров.
Ауыл шаруашылығы министрі С.Омаровтың сөзіне қарағанда, қазір республика бойынша 1,3 миллион тонна әлеуметтік маңызды тауар қоры бар.
–Негізінен аймақтардағы тұрақтандыру қорларындағы азық-түліктің толымдылығы тексеріліп, өндірушілердің қоймаларына, сауда нүктелеріне мониторинг жүргізілуде. Қолда бар мәліметке сүйенсек, қазіргі таңда республика бойынша 1,3 млн тонна әлеуметтік маңызы бар тауар бар, – деді С.Омаров.
Министр атап өткендей, бұл тауар халықты 5-6 ай көлемінде қамтамасыз етуге толығымен жеткілікті. Одан бөлек азық-түліктің барлық түрі өндіріліп те жатыр. Өңдеуге бағытталатын шикізат қоры да жеткілікті. Өңдеуші кәсіпорындар қажет болса өндірістік қуатты арттырады.
– Біздегі негізгі азық-түлік түрінің бірі – бидай ұны. Бидай ұнынан үш миллион тонна өндірдік. Бұл ішкі қажеттілікті 204 пайыздық деңгейде жабуға жеткілікті. 144 мың тонна күріш өндірілді. Күрішке ішкі сұраныс көлемі – 76 мың тонна, яғни қажеттілікті 190 пайыз жауып отырмыз. Сол секілді 165 мың тонна макарон өндірілуде, оған ішкі сұраныс – 150 мың тонна, – деді ол.
