Коронавирустың бір қаупі – бұл індетті суық тиюмен шатыстырып алу өте оңай екен.
CoViD-19 инфекциясын алғаш тіркеген ухандық мамандар 138 пациентті зерттеп, ауру ағымын кезеңдерге бөлген. Осылайша, аурудың екі негізгі кезеңі аталды.
Біріншісі 7 күнге созылады. Бірінші күндегі кең тараған алғашқы белгісі – қалтырап, қызу көтерілу. Науқастардың 99%-ында жоғары температура байқалған.
Екінші күні қатты шаршау сезіледі. Сондай-ақ құрқақ жөтел пайда болып, бұлшықеттер ауырады. Кейбір жағдайда лоқсу және іш өту байқалады.
Жетінші күн – бұл кезеңнің аяғы. Демек, ауру жұқтырғандардың 85%-ының денсаулығы дұрыстала бастайды. Мұндай жағдайда егер сіз өзі-өзіңізді оқшаулаған болсаңыз әрі ешкіммен байланыс орнатпасаңыз, жұмысыңызды жалғастыруыңызға болады.
Екінші кезең тағы екі аптаға созылады, алайда, бұл вирус жұқтырғандардың 15 пайызына ғана қауіпті. Мұндай кезде ауруханаға қаралған жөн, себебі пациент ауруханаға жатуды қажет етуі мүмкін. Әдетте науқас коронавирустан 17-күні қайтыс болуы мүмкін. 21-күні екінші кезең аяқталады.
Осы екі кезеңнен өткен науқастар жұмысын жалғастыруға қауқарлы болады.
Айта кету керек, ДДСҰ коронавирусқа қарсы вакцина сынағы басталғанын хабарлаған болатын.
