«Коменданттық сағат енгізу жоспарда жоқ. Қазіргі төтенше жағдай режимі мемлекеттің барлық функцияларын атқару және вирустың таралмауы үшін жеткілікті»,-деді ведомство басшысы.
Айта кету керек, көпшілік карантинді барлық қозғалысқа тыйым салу деп те түсініп жүр. Олай емес. Мұндай тыйым салуды коменданттық уақыт дейді. Жұртшылыққа мәлім, елімізде коменданттық уақыт бұрыннан бар. Атап айтқанда, еліміздің заңы бойынша, кәмелеттік жасқа толмаған жеткіншектер ойын-сауық мекемелерінде түнгі сағат 22.00-ден таңғы 6.00-ге дейін жүруге болмайды, бұл – тыйым салынған коменданттық сағат. Ал карантин – коменданттық уақыт емес, тек шектеу, ел арасындакүрделі эпидемиологиялық жағдайды туғызбау үшін мемлекеттің жасап отырған алдын алу шарасы.
