![Жаңа жыл елімізге амандық, жұртымызға тыныштық әкелсін - Д. Абаев](/media/2020/03/22/2020_03_20_m1wga6ro.jpg)
«Құрметті достар! Баршаңызды Наурыз мерекесімен құттықтаймын! Жаңару мен жаңғырудың бастауы, ырыс пен молшылықтың арқауы іспеттес бұл мейрамды халқымыз айрықша ықылас-үмітпен, ізгі амал-тілекпен қарсы алған. Біз де қиындықтар мен сынақтардың барлығы өткен жылдың еншісінде қалып, жаңа жыл елімізге амандық, жұртымызға тыныштық әкелсін деп тілейік. Басталған жаңа мүшел – жаңа дәуірде егемен еліміз қарқынды дамып, қуатты мемлекетке айналсын! Әз-Наурыз Отанымызға береке-бірлігімен, әрбір шаңыраққа шаттық-несібесімен келсін!» делінген министрдің Facebook парақшасындағы құттықтауында.