Аймақтар • 24 Наурыз, 2020

Алматыда ШОБ субъектілеріне коммуналдық меншікті жалға беру төлемі тоқтатылды

146 рет
көрсетілді
1 мин
оқу үшін

Президент Қасым-Жомарт Тоқаевтың төтенше жағдай жөніндегі мемлекеттік комиссиясы отырысында берген тапсырмаларын орындау үшін Алматы қаласының әкімдігі коммуналдық меншік объектілерінің жалдау төлемдерін есептеуді тоқтата тұру туралы шешім қабылдады.

Алматыда ШОБ субъектілеріне коммуналдық меншікті жалға беру төлемі тоқтатылды

Осылайша, биылғы жылдың 20 наурызынан бастап мүліктік жалға алу келісімшартын жасағанжалға алушыларға 3 ай мерзімге жалдау есебітоқтатылады.

Бұл ретте жалға алу төлемін тоқтата тұру Алматы қаласындағы төтенше жағдай жарияланған және карантинге байланысты жалға алу төлемдерін уақытылы төлеуге мүмкіндігі жоқ шағын және орта бизнес субъектілеріне ғана беріледі.

Бұл шаралар кәсіпкерлік субъектілеріне жұмыс орындарын сақтауға және еңбекке ақы төлеудің тұрақтылығын қамтамасыз етуге мүмкіндік береді.

Анықтама үшін «Алматы қаласының мемлекеттік активтер басқармасы» КММ-нің мына телефон нөмірлері бойынша хабарласуға болады: + 7 (727) 390-18-30, + 7 (727) 390-18-24.