«Біз коронавирусты жеңеміз» халықаралық конкурсы медицина ғылымдарының Шираз университеті бейнелеу өнері орталығымен, Фатех мәдениет қорымен және Иранның Мәдениет министрлігімен бірлесіп ұйымдастырылған.
«Конкурстың аяқталуына 6 күн қалды, әлемнің 68 елінің карикатуршылары өтінім беріп үлгерді. Жұмыстың жалпы саны екі мыңнан асты» деп хабарлады байқаудың хатшысы Масуд Шоджаи Табатабаи.
Байқаудың басты мақсаты – коронавирус пандемиясымен күресуді қолдауға және эпидемияның одан әрі таралуын болдырмау үшін медицина мамандары ұсынған қауіпсіздік шараларын сақтауға қоғам назарын аудару.