Аймақтар • 27 Наурыз, 2020

Алматы «бомждары» қайда барып паналайды?

1531 рет
көрсетілді
1 мин
оқу үшін

Елімізде төтенше жағдай енгізіліп, Алматы алғашқы қалалардың қатарында карантинге алынғаннан кейін, мегаполисте үйсіз-күйсіз күнелтіп жүрген жандарға қатысты журналистер тарапынан қайта-қайта мәселе көтерілген болатын. Індет жайлаған күндерде онсыз да тағдыр тәлкегіне түскен жандар қайда барып паналайды? Оларды күнкөріс үшін ары-бері сандалтпау, азықтандыру  ісін қалай тиімді ұйымдастыруға болады?

Алматы «бомждары» қайда барып паналайды?

БАҚ тарапынан қайта-қайта қойылған осы сауалға Алматы қаласы әкімдігінің баспасөз қызметі төмендегідей жауап берді.

Сонымен, бұл күндері шаһардағы Әлеуметтік бейімдеу орталығында тұрақты тұрағы жоқ 152 тұрғын бар көрінеді.

Алматыдағы Әлеуметтік бейімдеу орталығын тұрақты тұрағы жоқ 152 тұрғын паналайды. Орталықтың жұмысы штаттық режимде жалғасуда.

Әлеуметтік әл-ауқат басқармасының мәліметінше, аталған мекеме әлеуметтік-тұрмыстық, әлеуметтік-психологиялық және әлеуметтік-медициналық қызметтерді толық көлемде әрі үздіксіз көрсетіп келеді. Енгізілген карантинге байланысты қызмет алушылардың орталық аумағынан шығуына шектеу қойылды.

Бүгінде тұрағы жоқ азаматтардан өтініш түспеген. Десе де, барлық жағдай бақылауда. Тұрақты тұрағы жоқ азаматтар үшін Көксай кентінде арнайы ғимарат бөлінді. Белгілі тұрағы жоқ азаматтар бұл жерді карантин біткенге дейін паналай алады.

Біз бұл мәселеге қайта оралып, осының анық-қанығын егжей-тегжейлі қозғайтын боламыз.

АЛМАТЫ